網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月14日 星期日

身邊10對夫婦 9對唔開心47歲宣萱未婚怕分「我寧願一個人」 __,宣萱,

■現年47歲的宣萱雖然仍是單身,但她寧願一個人也不願隨便找一個伴。攝影:林賓尼【《蘋果》專訪】許多人會認為,女人最終歸宿就是結婚生仔,但對現年47歲的 ...




【《蘋果》專訪】許多人會認為,女人最終歸宿就是結婚生仔,但對現年47歲的宣萱來說卻享受現在的單身生活。因她見到許多有家庭的好朋友,10對中有9對唔開心,宣萱日前接受專訪時說:「睇到佢哋,我會更加清晰,真係要搵個啱。」她表示若找一個不適合人選作伴,寧願自己一個人,反而活得自在。

入行25年的宣萱,感情生活與事業一樣多姿多采。宣萱在93年與張衞健拍無綫劇《龍兄鼠弟》擦出愛火花,但兩年後因事業上女尊男卑而分手收場。之後宣萱先後與中信泰富前主席榮智健堂姪榮文瀚、牙醫陳建緯、獸醫Ruan及意大利型男Fran拍拖,但全都未能開花結果。究竟宣萱情歸何處?日前她接受本報專訪時說:「𠵱家好隨意,有啱嘅咪拍,冇啱嘅咪專心做嘢,我唔會為咗做嘢唔拍拖,同樣亦唔會為咗拍拖而唔做嘢。」



■宣萱在93年跟張衞健擦出愛火花,惜最後因當時女尊男卑,分手收場。資料圖片 ■宣萱曾與中信泰富前主席榮智健堂姪榮文瀚拍拖6年,在02年分手。資料圖片 ■宣萱上一段戀情是14年與意大利型男Fran拍拖。資料圖片

啱傾最重要

宣萱指身邊有很多朋友已經擁有自己家庭,但就以不開心居多,她說:「可以話10對得1對係開心,唔開心係佔咗9對,睇到佢哋,我會更加清晰,真係要搵個啱,佢哋去到呢個地步,反而係羨慕我仲未結婚。」宣萱笑言聽到覺得自己好幸運:「傾完偈明白,更加清楚兩個人一齊啱傾係重要,而唔係專登搵一個伴去行,我寧願搵一個啱,唔啱嘅我寧願自己一個人,我返到屋企好清靜,可以做自己。」

雖然感情未有着落,但宣萱事業方面十分順暢,去年她在無綫劇《不懂撒嬌的女人》Mall姐角色深入民心,令宣萱大感滿足:「好滿意,有五年冇喺電視出現,但都可以有咁嘅迴響,真係好好彩。」

無綫《萬千星輝頒獎典禮》將於本月21日舉行,99年憑《刑事偵緝檔案》成為視后的宣萱,今次再憑《不》劇成為視后大熱。不過,對於被視為大熱門,早前已分別於《星和無綫電視大獎》及《馬來西亞星光薈萃頒獎典禮》獲獎的宣萱,卻反而信心變細:「拎咗再拎機會好微,始終我離開咗公司咁耐,有好多因素導致有影響,對我嚟講有梗係開心,冇嘅話咪繼續做。但係得到網民認同,呢樣好滿足、好鼓勵,對我嚟講已經好足夠。」



■古天樂與宣萱99年憑《刑事偵緝檔案IV》奪視帝視后。資料圖片 ■宣萱在《不懂撒嬌的女人》飾演的Mall姐深入民心。劇照

拒合約換獎

問宣萱心目中視后人選時,她說:「公司永遠有驚喜,今年有咁多候選佳麗,鮑姐、司棋姐同菊姐等,個個都機會大,真係好難講,所以我都費事估,到時咪知!」至於可會有內定?宣萱笑說:「唔知喎,呢個要問公司,要問高層,只係參與演出,啲人傳同公司bargain吓就得,不過我唔會做呢啲嘢,人哋覺得你係值得去攞,自然會畀你,如果我要攞住份合約,人哋先肯畀,我攞咗都唔會開心,好似係要脅人哋畀我,我攞咗都覺得冇意思!」

採訪:何慧斯

服裝提供:IRO from I.T

場地提供:Fridge




鍾意就快D Share啦!