掃呢頁CODE去手機

2018年1月11日 星期四

為賺錢分開過年,香香孖老公放假飛外地「造人」 [壹週刊 - 1453] __,香香,岑麗香,M1,

強強勁man,旅行的行李一個人拎晒,唔使勞煩香香。探熱針為賺錢分開過年,香香孖老公放假飛外地「造人」成為人妻的香香(岑麗香),在強強(丈夫Joshua ...






強強勁 man,旅行的行李一個人拎晒,唔使勞煩香香。

探熱針

為賺錢分開過年,香香孖老公放假飛外地「造人」

成為人妻的香香(岑麗香),在強強(丈夫 Joshua)的滋潤下(做跟得丈夫兼御用伙頭),事業愈做愈旺,即使有份演出的《溏心 3》好壞參半,完全無阻她出騷搵真銀,甚至連做咗強嫂的第二個新年,都要在工作中度過。所以早排趁住有空檔,香香即刻孖住強強飛外地度假提早過年,好彩嘅話「搞出人命」,隨時由此起!

香香怕醜

一個戴住黑超,身穿乾濕褸的身影在機場的入境大堂如電兔一般飄過,細望之下原來是做了人妻的香香(岑麗香)。她極趕急,逐個櫃枱查詢,最後在租 WiFi蛋的櫃枱填表格兼「科水」,原來是租借外遊用的 WiFi蛋,不久成手行李的強強(香香老公 Joshua)離開銀行櫃員機,馬上打電話,確定位置會合老婆。

強強笑住行去會合香香,兩人一個眼神交流,便有默契地走向電梯方向,往上層的離境大堂進發。老公昂藏六尺,香香又黑超跟身,兩人在機場分外顯眼,不時惹來途人眼望望,男的毫不在意,反而是香香有點怕醜,刻意低頭避開途人目光。







香香抽空陪玩,強強表情四萬咁口。





強強唔通做漏嘢,搞到香香要除眼鏡訓話。





香香現身入境大堂,急住租 WiFi蛋去旅行。





強強離開銀行,馬上打電話,同香香報告行蹤。

為老婆做「無星」居民

《溏心 3》一路播一路俾觀眾鬧,近排講到香香同王浩信正式撻着,無奈為了家族的生意同前景,香香焗嫁可以揼水救屋企的陳智燊。現實中香香幸福到令人「葡萄」,老公 Joshua生得高大有型,為了成全老婆在香港的事業,放棄加拿大的金融工作,來港成為「無星」居民。除了一有時間便會做「跟得夫人」,做御用攝影師外,香香還自爆老公學煲湯,令她可以大安旨意,繼續做「無飯」主婦。「老公會煲湯俾我飲,佢學㗎,我覺得佢好 man,做得出呢啲 sweet嘢,我覺得咁先型囉!」香香說。

女神變人妻,加上有強強貼身侍候,香香的吸金力不跌反升,單是過去這個多月的賺錢旺季,幾乎每個星期都會見到香香,連她成為強嫂的第二個元旦都要在工作中度過,雖然老公去咗澳洲悉尼同朋友慶祝,但對方諗到一個好有創意的方法齊齊倒數,令香香公開話要俾個 like老公:「我哋九點一齊喺屋企睇電腦直播悉尼倒數放煙花,就當一齊倒數咗,諗到已經好浪漫,要加分!」







香香於社交網站 po相,大部分都是由老公操刀。





元旦除夕同坤哥、朱千雪到上水倒數





翌日又到馬場出席活動,婚後的香香豬籠入水。

撰文:娛樂組

攝影:瀚鍾、志輝 


鍾意就快D Share啦!