掃呢頁CODE去手機

2018年1月18日 星期四

「熊心如」現實版好複雜老豆三頭家蘇韻芝弟妹唔同媽 [壹週刊 - 1454] __,M1,

父親PaulSo的風流賬在加拿大華人圈子傳得甚廣,而蘇韻芝在Ig偶爾分享父女合照,似乎她對父親風流選擇包容。探熱針「熊心如」現實版好複雜老豆三頭家蘇韻 ...






父親 Paul So的風流賬在加拿大華人圈子傳得甚廣,而蘇韻芝在 Ig偶爾分享父女合照,似乎她對父親風流選擇包容。

探熱針

「熊心如」現實版好複雜

老豆三頭家蘇韻芝弟妹唔同媽

在《愛•回家之開心速遞》的「熊心如」,有個愛家的慈父,家人關係融洽,典型處境劇的模範家庭。但現實中的蘇韻芝,近日被加拿大圈子爆出她複雜的家庭背景。有指其父風流有三頭家,搞到蘇韻芝的弟妹,來自唔同阿媽。生父同戲中老豆劉丹,真係差天拱地!

父親風流賬

一六年選完港姐的蘇韻芝,好快獲安排參演處境劇《愛•回家之開心速遞》,做骨幹成員「熊心如」,近日跟阮政峰飾演的「池子孝」有感情線,更令入屋的他們增人氣。

近日加拿大華人圈子爆出,指加拿大長大的蘇韻芝,家庭背景相當複雜,跟劇中的溫馨一家大相逕庭。現實中因父親有三頭家,蘇韻芝的兩弟一妹,除對下的親弟 Kaspar,三弟及四妹均是同父各異母。





「熊心如」在劇中的家庭溫暖爆燈,爸爸「熊樹根」(劉丹)又愛家,跟現實版本相差好遠。





有指蘇韻芝的同父異母的弟弟年幼時被生母離棄,包容的蘇母放下丈夫不忠的傷痛,把他視如己出,湊大成人,好似一家人看待。





《開心速遞》的家人,戲裡戲外一樣感情好。

與異母弟弟生活

蘇父 Paul在加拿大賭場任經理,生性風流,與蘇韻芝母親育有一對仔女後有婚外情,之後仲搞出「人命」,第三者為蘇父誕下兒子 Antho。

「 Andrea(蘇韻芝)爸爸 Paul喺 Fallsview Casino Resort(尼加拉瀑布賭場)做高層,份人出名風流。佢同 Andrea(蘇韻芝)媽咪婚後仍有好多女友,之後仲同一個第三者生咗個仔,搞到多一頭家,當時 Andrea(蘇韻芝)媽咪見對仔女仲細,選擇忍受,到幾年前先離婚。近年 Paul So又同另一個女人生咗個女,依家幾歲大,四個仔女三個媽媽,呢件事加拿大華人圈子好多人都知。」加拿大知情者爆。

雖然老豆有三頭家,但從蘇韻芝在 Ig po的家庭照,卻發現她一家跟同父異母所生的弟弟 Antho關係融洽。有指蘇韻芝跟「細細佬」 Antho姊弟情深,蘇母更對非親生子相當接納,甚至有段時間一起生活,照顧埋丈夫私生子。





年輕時的蘇母都係一個靚女。





雖然蘇韻芝的父母已離婚,甚至父親有幾頭家,但一家關係依然不錯。 16年,跟父親及同父異母的弟弟一起過新年。





蘇韻芝的言詞,看出她對委屈多年,承受家庭傷痛的母親好愛錫。





蘇韻芝與親弟 Kaspar(左)及同父異母的弟弟 Antho(右),有唔少合照,睇得出姊弟情冇分親疏。

對父親不計前嫌

知情者續說:「 Andrea呢個同父異母嘅細佬,幾歲大佢媽媽就同 Paul So(蘇韻芝父親)分手,一走了之。 Andrea媽媽好包容,覺得係大人嘅錯,小朋友係無辜,所以照顧埋佢,一齊住當自己親生一樣, Andrea同呢個『細細佬』感情好好。最後 Andrea媽咪頂唔順 Paul So咁多外遇,決定離婚。之後 Paul So又同第二個生咗個女。爸爸對屋企不忠, Andrea兩姊弟當然係唔開心,喺加拿大時, Andrea已經好少喺人前提及爸爸。」

不過從蘇韻芝的 Ig,發現有父女合照,父親雖然風流賬多,但畢竟切肉不離皮。「 Paul要養幾頭家,開支大,所以 Andrea入娛圈前,喺加拿大一邊讀書一邊幫人補習,又做兼職 model賺生活費。」知情者說。





雖然三甲不入,但很快獲大台安排拍處境劇,近日與劇中男友「池子孝」阮政峰被指戲假情真。





16年參選港姐的蘇韻芝,跟馮盈盈同是大熱人選。最後關頭二選一,得梗頸四殿軍。





16年參選港姐的蘇韻芝,跟馮盈盈同是大熱人選。最後關頭二選一,得梗頸四殿軍。

同父異母冇相干

跟同父異母的兄弟姊妹感情好,相信當中需要好多包容同愛。娛圈中,這些例子不少,感情如親生般深厚。

欣宜

肥姐(沈殿霞)與鄭少秋一段婚姻,因第三者官晶華介入破裂,之後秋官跟官晶華再組家庭,育有兩女。不過大人瓜葛,無影響兩家孩子感情。早年不時被影到欣宜與兩個同父異母的妹妹詠恩、曦恩行街食飯,冇隔膜。

洗米仔

「洗米仔」周柏豪年幼喪母,之後跟繼母 Heidi一起生活,「兩母子」關係良好,亦令他對 Heidi所生的兩個女錫到燶,做足大哥本分,對兩個妹妹照顧周到。

曾寶儀

曾志偉的大女曾寶儀,是跟前妻王美華所生,而兩幼子曾國祥及曾國猷屬現任老婆朱錫珍所出,姊弟雖然同父異母,但曾寶儀同曾國祥 friend到爆。

張栢芝

張栢芝家庭複雜,除胞弟張豪龍是同父母,家姐戴碧芝是同母異父、細佬張柏文是同父異母,還有另一個細細佬也是另一母親,異母異父乜都有,但兄弟姊妹感情不錯。

撰文、攝影:娛樂組


鍾意就快D Share啦!