熱爆娛樂: 出軌後補鑊　洪天明扮黐家做阿四氹番周家蔚 [壹週刊

2018年1月18日星期四

出軌後補鑊　洪天明扮黐家做阿四氹番周家蔚 [壹週刊 - 1454] __,家蔚,洪天明,天明,周家蔚,M1,

當日洪天明做阿四，抱住瞓着覺嘅洪大仁，周家蔚則一個人去 shopping。

探熱針

出軌後補鑊　洪天明扮黐家做阿四氹番周家蔚

洪天明上月被指在上海背妻「偷食」，事件曝光後，見慣風浪的周家蔚對老公百分百信任，更力撐是一場誤會。老婆網開一面，反而洪天明自覺十分對不起太太，並承諾日後會謹慎唔敢再飲大。

雨過天青，難得放假在港的洪天明將功補過，放老婆假自由行 shopping，自己做阿四陪大仔洪大仁買玩具。

留港陪老婆

結婚五年，洪天明上月在上海夜場飲大幾杯，醉住拖女上酒店，雖然再三強調沒有做對不起老婆的事，周家蔚又指大家不要睇表面。但間唔中就有女埋身的洪天明，今次坦白承認老婆為此事有唔開心。

出事後，近年幾乎長駐在內地拍戲的洪天明，留港陪屋企人過聖誕新年，日前，他跟老婆和大仔洪大仁在九龍塘又一城出現，平日湊仔 look的周家蔚當日明顯經過悉心打扮，孖老公抵達商場後，即分道揚鑣，放自己假盡情 shopping。

洪大仁在反斗城開心周圍走，洪天明跟在身後，全程到實。

洪大仁睇手機等老豆。

大仔攞住一盒玩具，洪天明則孭住大袋，滿載而歸。

14年 6月，內地模特兒杜顏嘉將與洪天明夜蒲親密照放上網，踢爆他背住老婆繼續玩。

上月上海出事，被拍蒲夜場後帶女返酒店，不過老婆指是一場誤會。

全天候服侍

洪天明則抱住四歲大的洪大仁先到 food court醫肚，校啱時間，在老豆懷中的洪大仁正好瞓醒，洪天明去買牛肉飯，洪大仁則乖乖坐在一角等開飯。食完飯，兩父子走入玩具反斗城，最初拖住老豆的洪大仁，之後便一個人周圍走，而將功補過全天候服侍大仔的洪天明，隨後跟到實。

在反斗城逗留超過半粒鐘，洪大仁大有收穫，捧住幾大盒玩具交俾爹哋，交到差，洪天明俾完錢後帶住大仔開心離開。

「其實天明係一個有責任感嘅老公，放假就會留喺屋企陪兩個仔，不過始終仲係貪玩，有時飲大幾杯就會亂嚟，所以佢同朋友講，新一年都會戒飲少啲酒。」知情者說。