熱爆娛樂: 王君馨後台祈禱　開騷前針面　衞蘭病住唱一樣掂 [壹週刊

2018年1月18日星期四

王君馨後台祈禱　開騷前針面　衞蘭病住唱一樣掂 [壹週刊 - 1454] __,衞蘭,王君馨,君馨,M1,

多謝大家支持！（設計對白）

探熱針

王君馨後台祈禱　開騷前針面　衞蘭病住唱一樣掂

衞蘭一連三場的《 Oh My Janice World Tour 2018香港站》圓滿結束，開騷前氣溫急降，搞到 Janice病到七彩，睇中醫針灸急救，搞到成面針，王君馨亦孖住一班教友在後台為她祈禱。雖然病住唱足三場，但 Janice一樣唱得掂，勁呀！

開騷前，王君馨與一班來自新加坡的教友齊到後台，為 Janice祈禱，為她打氣。

王君馨

雖然病了，但 Janice得到教友及粉絲支持，所以有足夠力量令她撐住，唱了三場好騷給大家聽。

Janice在個唱中，自彈自唱前老闆黎明的名作《情深說話未曾講》。

做足準備

Janice為了今次的演唱會，幾個月前已經開始練聲同記歌詞，希望做足準備，開騷時有更好的表現。豈料開騷前氣溫急降， Janice中招病咗，除飲中藥，還要針灸急救。「公司見佢咁病，即刻帶佢去針灸，㓤到成塊面都係針，臨開騷前病， Janice嘅心情都受到影響，唔係咁開心，佢有班教友喺新加坡嚟睇騷，第一場未開始前，王君馨同班教友入晒後台，同 Janice一齊祈禱，最後演出順利，佢先識笑番。」有工作人員說。

入行十多年的 Janice，得到不少樂迷愛戴。

一連三場的演唱會均座無虛席，完成香港站後， Janice便會開始做其他巡迴站。

妹妹 Jill（左）一連三晚都有上台與 Janice合唱。

增肥上台

一早講了不會為開騷減磅的 Janice，不只講得出做得到，還再升級，重多十磅上台，夠晒反高潮！「 Janice一直都認為鍾意佢唱歌嘅人，唔會介意佢嘅身形，佢之前試過為開騷減磅，但試過一次唔會再試，今次肥咗唔係食多咗，佢嘅食量唔多，但好容易吸收，而且佢脊椎側彎唔可以做劇烈運動，所以大家都明白佢嘅難處，唔會逼佢。」雖然病咗又肥咗，不過 Janice把靚聲夠吸引，一樣唱了三場好騷俾樂迷，已值回票價。