掃呢頁CODE去手機

2018年1月18日 星期四

空姐變租喼姐 海外租喼一日送到 [壹週刊 - 1454 - 財經] __,M1,

Eugena一人兼三職,指做生意令其眼界大開,更有助教女,「我會同佢哋講除咗學業,仲有好多事都會影響前途,例如性格、行為同品行。」壹盤生意空姐變租喼姐 ...






Eugena一人兼三職,指做生意令其眼界大開,更有助教女,「我會同佢哋講除咗學業,仲有好多事都會影響前途,例如性格、行為同品行。」

壹盤生意

空姐變租喼姐 海外租喼一日送到

香港人熱愛話走就走,搶到廉價機票後立馬回日本「鄉下」數天已不是新鮮事。

本職是空姐的靚媽劉穎雅( Eugena)則看準時機,由兩年前創辦「租喼 JoGeep」,到最近擴展至海外服務。

「好多人買廉航,寄艙行李要另外加錢,所以佢哋只會加回程嘅行李,去程時想輕便啲。」

擁有空姐招牌笑容的她指現時可送喼至日本、台灣及韓國三地,今日落單第二天就可送到,快得驚人。

坊間常說有「產後失憶症」的存在,身為兩女之母的 Eugena笑言自己是「患者」。

但記性再差也忘不了想擁有一番事業的夢;創業一事,不但沒影響她與兩個女兒的相處,反之能有效阻止她成為「怪獸家長」。「好多媽媽會將小朋友嘅成就當係自己嘅事業,情緒會好易被子女成績所牽動;當我做咗生意後就好似搵番自己,發覺世界其實好大。」

中七畢業後就打工的她深信,學業不代表一切,而其心血結晶「租喼 JoGeep」,就是比成績表更有力的證明。

Rimowa最平日租三十元

明星們的大愛品牌 Rimowa行李喼動輒四千至上萬元一個,而「租喼 JoGeep」提供的喼日租價為三十元(細尺寸)至八十元(大尺寸),以租三日起跳,更設免費送貨,十分抵玩。「我哋有七個牌子嘅喼, Rimowa最受歡迎,另外 Lojel或 Delsey呢類大眾化價錢,但質素好嘅牌子都有好多人租。」 Eugena最初認為香港土地問題嚴重,非人人家中也有合適的喼或地方放喼,因此於一五年開展此盤生意,由一年前每日租出七至八個喼到現在每天有五十個喼在外「流動」,成績超乎理想。新設的海外租喼會按日租價錢及運費收費,能幫助一眾買到爆喼的人士。「目前呢三個地方都係購物勝地,落單後翌日就送到酒店櫃台,日本運輸費大約係五至六百元。」





Babyzen YOYO手推車能單手打開、摺合及推動,車後更設有座位讓較大的小孩坐,十分方便。





Jetkids為挪威品牌,其多功能兒童旅行箱,尺寸是 46× 20× 36厘米,約重三公斤。

輕便嬰兒車成媽媽恩物

得多,學校假期前一兩個月已滿額。客人 Jacqcine則是較幸運的一名:「我有兩個小朋友仲好細,自己嘅嬰兒車太笨重唔方便去旅行,租嘅係輕便好多。」法國 Babyzen YOYO手推車零售價為四千多元,現日租四十元,其摺合後體積細小( 52× 44× 18cm),可以不用寄艙,直接上機。推出新服務的原因正是 Eugena深明當媽媽之苦,「呢款可以用到上機前一刻及在落機時第一時間可用,能夠慳番等 BB車嘅時間。」

做媽媽的想在旅程上過得安心,首要是自己的寶貝能舒舒服服, Eugena因此推出同是日租四十元的 Jetkids多功能兒童旅行箱。「小朋友可以坐喺喼上俾父母拉住行,上機後個行李箱可以變做一張嬰兒床接駁至飛機座椅上,令到座椅更加長同寬闊。」





剛花一筆錢更新公司網站的 Eugena也會落手落腳,打造自家攝影棚為「愛喼」拍下靚相。





為確保衞生,所有租用後的喼及嬰兒車也會以高溫消毒清潔,並以溶膠清潔喼面的貼紙印。

望由租變供鋪





「租喼 JoGeep」設有免費送貨及收貨服務,而送喼日期為「承租日期」的前一天。並不會計算在承租日數之內。

港人做生意,十個有八個也猶如「幫業主打工」,做做埋埋也不夠交租。對於生意早上軌道,但一百三十多個喼總要有地方儲存及清潔,膽大心細的 Eugena直言本年的目標,是希望能擁有自己嘅地方,由租變供,長遠可把營運成本再降低。「地區無硬性規定,因都係用嚟存貨多,面積希望喺五百呎以內。」

問到港人租喼的情況, Eugena以「自律」來總括,「做咗兩年都只係有幾宗損毀個案,多數係一個好重嘅喼壓落一個無裝滿嘅喼上,以致爆咗,但客人全部都主動講番傾賠償。」而內籠污穢的情況則較少,多數是乳液所留下的油漬,問題不大。

做生意拉近母女關係





同是媽媽的客人 Jacqcine(左)正是從網上搜尋中得知「租喼 JoGeep」公司,早前曾租用日租八十元的三十二吋大喼。

Eugena說話時帶點溫柔,但當談及做生意有否影響家庭相處時,語調立即變得堅定地說:「時間永遠有限,對比可能坐埋一齊但父母用電話仔女自己玩,我會選擇做較高質素嘅陪伴,例如用十五分鐘去講故事。」她曾經也把生活重心嚴重傾向家庭,失去自己。「怪獸家長好多時係環境逼成,我都試過好緊張兩個女,但當我做生意後,睇世界好似後退番一步,睇事情好似客觀同宏觀少少。」

每個人跟兒女相處的方式也不同, Eugena會選擇以平等身份跟四歲及六歲的囡囡對話,主動向她們分享大人的世界及工作。「個女依家見我出門會問:「媽咪係咪又去租喼啦?起碼佢知我係去做嘢唔係掉低佢,佢哋先會學識體諒。」講起愛女,她不禁嘴角向上,這大概就是做母親最大的快樂。

開業

資料

16年 4月(開始租鋪)

15年 4月入貨$4,000

租金上期$5,500

按金 $11,000

入貨 $125,000

裝修 $3,000

總投資 $144,500

營運資料 17年 2月

營業額 $100,000

薪金 $30,000*

廣告 $2,000

送貨車支出$10,000

租金 $7,500

盈利 $50,500

*包兩名送貨職員

創業錦囊

接近 100%回頭客全因名易記

「起初做時應該得兩至三間做同類服務,以我所知依家已有四至五間,但大家喺業務上都有輕微唔同。」要贏在起點,名字是第一步,記者實測於 Google搜尋打「租喼」二字,已出現三間同類公司,而「租喼 JoGeep」則於首位,從字面上解釋已能知道業務,清晰易記。另外,其收費門檻也屬最低,只收日租毋須按金,此舉能減省手續,令初次租客更願踏出第一步。「我哋好建議客人買旅遊保險,因一般旅遊保最基本計劃都已包行李賠償部分,客人唔需要額外再俾錢。」為了留客,公司現時設會員制,所有舊客戶也自動成為了會員,並會定時提供優惠。

撰文:黃綺敏

攝影:梁正平


鍾意就快D Share啦!