掃呢頁CODE去手機

2018年1月18日 星期四

黃碧雲 帶袁海文入黨 [壹週刊 - 1454] __,M1,

袁海文話,因為黃碧雲當年喺理工大學教書,大家傾多咗偈,令佢開始想去了解民主黨。八卦陣黃碧雲 帶袁海文入黨立法會補選九西初選由姚松炎高票勝出,民主黨袁海 ...






袁海文話,因為黃碧雲當年喺理工大學教書,大家傾多咗偈,令佢開始想去了解民主黨。

八卦陣

黃碧雲 帶袁海文入黨

立法會補選九西初選由姚松炎高票勝出,民主黨袁海文雖然行人止步,但佢嘅從政之路仍然好漫長。佢同《壹》仔講起,當年讀大學時去法國做交換生,撞正工人大罷工,佢見一班工人身體力行為自己爭取權益,令佢開始想更加積極去從政。





黃碧雲



卿姐仁哥啟蒙

於是佢返香港之後,就去咗民主黨做實習。至於點解會揀民主黨,佢話都係一個機緣巧合,因為當時民主黨現任立法會議員黃碧雲,喺佢讀緊嘅理工大學教書,同黃碧雲傾多咗偈,令佢想去 explore吓民主黨係一個點樣嘅政黨。

袁海文話,當時做實習遇見好多白鴿黨內前輩,都令佢好佩服。例如當時佢曾經透過電郵,向卿姐(劉慧卿)請教一啲問題,卿姐竟然親自打番電話覆佢,令佢覺得對方連實習生都好尊重同重視。

佢又話,見到仁哥(何俊仁)由保釣到反日本侵略、支持慰安婦平反等嘅行為,「始終好如一,都係追求一種價值、一種公義,同埋都係好為國家貢獻……所以其中一個關鍵原因加入民主黨,都係喺實習期間遇到嘅人,都係好好嘅人,同埋好認真為香港。」

坐開篷巴士拉票「巴膠」張秀賢感恩

舊年三月,曾俊華坐開篷巴士終極巡遊,為特首選舉做最後衝刺,超過五千名市民逼爆愛丁堡廣場,振臂為佢打氣呢一幕,相信唔少人仲記憶猶新。上星期被人突襲打傷嘅學聯前常委張秀賢,喺民主派初選都出動開篷巴士巡遊拉票。

出戰新東嘅張秀賢,當日朝早開始坐開篷巴士,遊走將軍澳、沙田、馬鞍山、大埔等地造勢,亦有落車拉票。佢巡遊未及曾俊華咁有氣勢,但強調用巴士宣傳,有助鼓勵市民了解咩係初選同埋出嚟投票。

其實張秀賢細細個就已經係巴士迷,最開心就係考試攞高分,屋企人送玩具巴士俾佢做禮物。上星期四東鐵綫全線癱瘓,咁啱喺大圍擺街站嘅佢,即刻發動「巴膠」技能,為街坊提供巴士路線。今次初選能夠坐佢最鍾意嘅巴士拉票,一定好難忘。

巴膠決戰新民主同盟范國威同工黨郭永健,三人之中佢年紀最輕,最終以最低分敗選而回。佢拉票嗰陣同《壹》仔講,今次係一個好寶貴嘅經驗,不論輸贏都好,都學到好多嘢,「起碼你真係試過選舉,你先叫真係搞過政治吖嘛。」所以佢話好感恩,有今次機會可以參選。







張秀賢話曾俊華選特首都租過巴士巡遊,佢認為咁樣可以有效鼓勵市民出嚟投票。(張秀賢團隊提供圖片)





為咗造勢,張秀賢租咗架雙層巴士。佢話費用唔算貴,一個鐘大約千零蚊,佢由朝早九點租到下晝五點,計番大約一萬蚊左右。(張秀賢團隊提供圖片)

撰文:巫不言

news@nextdigital.com.hk


鍾意就快D Share啦!