掃呢頁CODE去手機

2018年1月11日 星期四

蕭潤邦2卡鑽戒求婚江若琳喊爆 I Do! __,蕭潤邦,江若琳,

江若琳與Oscar雖然拍拖未夠一年,但兩人早已相識十載,非常了解對方。
蕭潤邦2卡鑽戒求婚江若琳喊爆IDo!「生煎包王」蕭潤邦昨日37歲生日,在社交網宣布向拍拖不足一年的女友江若琳求婚成功,揚言:「有福同享,有難我當!」收 ...


蕭潤邦2卡鑽戒求婚江若琳喊爆 I Do!

「生煎包王」蕭潤邦昨日37歲生日,在社交網宣布向拍拖不足一年的女友江若琳求婚成功,揚言:「有福同享,有難我當!」收到兩卡鑽戒的江若琳,感動到失控爆喊講「I Do」,兩人打算今年12月舉行婚禮,請好友準備收紅色炸彈!

現年30歲的歌手江若琳(Elanne)和男友蕭潤邦(Oscar)昨日在社交網放閃光彈,Oscar表示早前向女友求婚,並趁昨日37歲生日報喜:「我今年30+7,今年的生日禮物非常特別,是一個將會永遠被寵壞的人!求婚成功!佢『I Do』咗!所有愛她的家人及朋友們,請放心,我會永遠用心地支持她,保護她,讓她不必再當女漢子,讓她當我好內子!以後有歌你唱,有包我煎,有包食包,有飯食飯,有福同享,有難我當!各位!不好意思!準備收紅色炸彈吧!BOOM。」Elanne則甜蜜留言回應:「再一次祝你生日快樂,餘生請你指教。」

早識穿驚喜詐唔知

正身在日本蜜遊的兩人,其後接受電話訪問,Oscar稱於去年12月底求婚,事前籌備了兩個月:「一啲出道以來對佢好有代表性嘅朋友突然出嚟,佢嗰陣已經失控喊晒,好似失戀咁,好激動。之後我就唱番首歌,件事都好順利。」他自爆Elanne可能早已識穿驚喜,因為關於求婚的短訊群組經常有訊息彈出:「喺中間成日畀佢發覺,可能佢都有秘密瞞住我,就係可能佢一早已經發現但詐唔知。不過總算順利,希望令佢難忘,最緊要係佢嘅感受。」他指鑽戒有兩卡,可是不願透露價錢,認為未婚妻喜歡才是最重要。

Oscar揚言要寵壞江若琳,讓她不必再做女漢子。
  • Oscar揚言要寵壞江若琳,讓她不必再做女漢子。
  • 放大圖片
Oscar自爆大頭蝦,事前常洩漏風聲,令女方可能早已識穿驚喜。
  • Oscar自爆大頭蝦,事前常洩漏風聲,令女方可能早已識穿驚喜。

相識10年否認有餡

冧爆的Elanne表示二人相識10年,非常了解對方:「呢段時間大家一齊,雖然好肉麻,但佢嘅愛好偉大,呢個男人可以付託終生。」問到男方有何愛的承諾?她說:「佢話之前10年一直陪唔到我,但未來唔會再陪我唔到,會陪我行好多路,所以就感動咗,我喊到好似失戀咁。」至於是否有了BB?Oscar即時否認,強調要有計劃地去做,首先結婚,然後才看有否機會生小孩:「結婚有好多嘢要處理,我嘅能力未必可以同一時間處理兩樣嘢,所以都係結婚先。」他指兩人的目標是今年12月舉行婚禮,雖然好像有點遲,但很希望能找個舒服的地方,讓家人及好友聚一聚。

江若琳成功融入蕭家,日前為未婚夫慶生。
  • 江若琳成功融入蕭家,日前為未婚夫慶生。
準新郎與新娘正身在日本慶生兼預支蜜月。
  • 準新郎與新娘正身在日本慶生兼預支蜜月。
於2007年出道的兩人,不時會相約同屆出道的歌手好友聚會。
  • 於2007年出道的兩人,不時會相約同屆出道的歌手好友聚會。

文:音樂組






鍾意就快D Share啦!