2018年1月7日 星期日

肥仔聰賣埠遇騙徒 300萬渣都冇 __,

肥仔聰執導的電影找來杜可風擔任攝影。
肥仔聰賣埠遇騙徒300萬渣都冇藝人林子聰(肥仔聰)前年投資拍攝電影《笑林足球》一波三折,不僅在內地票房慘收86.7萬人民幣,其300萬血汗錢更化為烏有 ...


肥仔聰賣埠遇騙徒 300萬渣都冇

藝人林子聰(肥仔聰)前年投資拍攝電影《笑林足球》一波三折,不僅在內地票房慘收86.7萬人民幣,其300萬血汗錢更化為烏有!該片總投資額2千多萬港元,除找來張繼聰、台灣歌手阿信以及收零片酬的陳浩民外,曾演出內地劇《琅琊榜》的內地女星周奇奇亦有份參與。沒料上映時遇上連番「重創」,令肥仔聰受重擊之餘,另一投資者更要賣樓填氹,慘到爆!

肥仔聰近年事業發展不俗,演員、導演工作密密做,前年更為狂收34億人民幣的周星馳電影《美人魚》擔任執行導演,不過風光背後,原來同年卻受過很大打擊。他有份投資兼執導,張繼聰、台灣歌手蘇見信(阿信)、陳浩民及內地女星周奇奇演出的電影《笑林足球》,因電影有部分投資方未有履行承諾將資金到位,令到電影要縮皮,內地電影宣傳方面做得不好,排片比例又少,令到電影在內地只上了數日便落畫,票房慘淡,再加埋賣埠去東南亞時,遇上中介人騙徒收錢後竟然一去冇回頭!在各單位多重失利下,其投資當然凍過水,不僅連一蚊都賺不到,肥仔聰與另一位投資者共慘蝕2千多萬。

慨嘆對唔住班好友

本報就此事求證肥仔聰,他無奈承認事件,並透露為該片投資3百萬元,換來蝕到入肉經歷:「呢套戲我十年前開始寫第一稿,好鍾意個劇本,籌備到拍攝用咗一年,個個演員都盡心盡力,張繼聰同阿信為套戲仲去健身、節食同練波,阿信更加由唔識踢波,到一腳彎過人牆入網,仲為套戲寫咗首好好聽嘅主題曲!」肥仔聰續稱,好友陳浩民更不收分文以示支持:「我諗住等有收益嘅時候,分番少少畀佢,依家都冇得畀,變咗白做,都非常唔好意思!」

而曾演出內地劇集《琅琊榜》飾演宮羽的內地女星周奇奇,今次亦是畀面答應演出,在片中飾演美麗硬淨的女班主,肥仔聰大讚奇奇靚女兼表現不俗,亦非常配合劇組,就連負責該片攝影的杜可風也忍不住讚她。

最大投資者患抑鬱

至於該片最大投資者阿Wing接受本報訪問,透露為此事患上抑鬱,她說:「我告上法庭,法庭判對方必須畀番賣埠嘅錢我,但到依家都未收到,件事令我賣咗兩層樓同患上抑鬱,真係好痛,唔明點解啲人咁衰,對方仲喺呢個圈做,我公開呢件事係想提醒同行,小心唔好畀人呃!」

文:影視組






鍾意就快D Share啦!
Related Posts Plugin for WordPress, Blogger...