掃呢頁CODE去手機

2018年1月28日 星期日

52歲郭富城有心有力全力追仔 __,郭富城,

城城出席apm商場「開心迎狗年」的開幕典禮。52歲天王郭富城現身APM出席「開心迎狗年」開幕典禮,聯同新鴻基地產(中國)執行董事馮秀炎為巨形招財掌門狗 ...


城城出席apm商場「開心迎狗年」的開幕典禮。


52歲天王郭富城現身APM出席「開心迎狗年」開幕典禮,聯同新鴻基地產(中國)執行董事馮秀炎為巨形招財掌門狗主持招財招福的開幕儀式。城城心情大靚並拿住「旺」字揮春拍照,他受訪時風騷地說:「做咗Daddy係咁㗎喇!計劃年底開演唱會巡迴,預計係50場先,之後再繼續。而今年會拍3部戲,第一部預計3月中至4月開拍,到時會去美國取景,等3部拍完晒先搞巡迴。」

圓滿家庭令工作更用心

要同女兒分開?城城說:「我依家反而更專心工作,正係因爲有咗家庭先會更加集中精神去做、更加用心工作。(好大推動力?)係好大呀!要好勤力先得。(做好榜樣?)一定要,以前冇咁嘅心態,依家多咗一個圓滿家庭,工作就可以好用心同專心,係一個好好嘅階段,亦都多謝家人嘅體諒。」

要做個好爸爸

談及就快到農曆新年,問城城是否準備收爐?他說:「都係,今年好辛苦,已經拍咗兩部戲,其中一部《風再起時》入面嘅角色好掙扎,健康都會差啲。因為我長期投入落個角色裏面,拍完都要鬆一鬆,留番啲時間照顧家人,而且今年過年都同以前唔一樣。(有太太有囡囡好熱鬧?)今年家庭係添多咗個成員,媽咪開心,我自己亦都好開心。(再追仔?)承你貴言,總之順其自然!相信個天會安排,自己做好爸爸角色先,個天會知道。」

發展時裝範疇

而城城開心表示,外界對於去年兩個自家品牌的護膚品和洗髮水反應很好,若有機會都想發展時裝。做BB時裝?城城謂:「都有機會,因爲太太做開時裝,佢都想修讀時裝設計,如果佢想做都會支持佢。」講到太太在微博表示坐月期間感到腰痛?城城亦替愛妻心痛:「我代佢多謝大家關心!咁真係做咗爸爸媽媽先知係好辛苦,做媽媽的確唔容易,我會帶佢做多啲運動,希望佢早日康復。(日前你同太太去Shopping買鞋?)其實有啲係買畀媽媽,順便辦年貨。買咗18隻鞋、即係9對,我今日都着咗對狗年限量版呀!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!