2018年1月4日 星期四

臨時甩底老竇80大壽洗米華馬爾代夫 同Mandy四母子玩沙 __,洗米華,Mandy Lieu,Mandy,周焯華,

■洗米華沒有現身父親的生日宴,而飛馬爾代夫陪Mandy過聖誕節。讀者提供圖片【爆相爆片】每逢大節日,周焯華(洗米華)都要施分身術陪兩頭住家,剛過去的聖 ...




【爆相爆片】每逢大節日,周焯華(洗米華)都要施分身術陪兩頭住家,剛過去的聖誕假期,先與老婆陳慧玲及周家去新西蘭,才到馬爾代夫會合女友Mandy Lieu四母子。原本洗米華在新西蘭留至平安夜,為父親慶祝80大壽,不過他最後甩底未有與父親慶祝,已趕去馬爾代夫「箍實」Mandy及抱仔女過熱辣辣聖誕!

太陽娛樂文化老闆周焯華與老婆陳慧玲及女友Mandy Lieu的三角關係糾纏了足足四年,進擊的Mandy為洗米華三年抱三,細女於去年9月出世,二人共育有一子兩女。洗米華要享齊人之福,當然頻頻做空中飛人,穿梭澳門和倫敦兩地施展「分身術」。



■赤膊的洗米華(右)抱着小朋友在馬爾代夫過佳節。讀者提供圖片 ■洗米華父親80大壽,只見洗米華胞姊(右一)、洗米嫂(左三)及子女為他慶祝。資料圖片 ■洗米華去年有出席父親的生日派對。資料圖片

抱小孩攞禮物

上月聖誕期間,洗米華先與周家上下包括父親、胞姊、洗米嫂三母女及大仔周柏豪,全家總動員去新西蘭過佳節及為父親搞80大壽,但洗米華卻將聖誕節正日留給Mandy,不過今次就不用去倫敦,而是去馬爾代夫過熱辣辣聖誕。

日前讀者鍾小姐透過「爆相爆片」目擊二人再加三個小朋友在馬爾代夫旅遊:「嗰日係聖誕節,我朋友喺馬爾代夫嘅The St. Regis Maldives Vommuli Resort見到佢哋,同行嘅有外國朋友,兼且有三個小朋友,因為喺沙灘有party,酒店安排咗聖誕老人從天而降,向酒店住嘅小朋友派禮物,見到洗米華抱住個小朋友去攞禮物,Mandy就坐埋一邊。」

鍾小姐提供了兩張相片,除洗米華慈父上身抱小朋友去攞禮物,還有一張洗米華身處沙灘,以「迷暈鎖」從後箍實Mandy,照片中有一小女孩,未知是否二人所生的女兒,讀者鍾小姐表示:「過咗兩日我朋友又喺酒店個公眾沙灘見到佢哋,其中小妹妹同一個男仔喺度玩沙,另一個年紀細啲嘅小朋友,就由佢嗰個外國朋友抱住,Mandy同洗米華喺度睇住男仔同女仔玩沙,睇睇吓仲會攬吓kiss吓,不過玩咗冇耐就走人。」再問到同行的三個小朋友樣貌似不似洗米華及Mandy?讀者鍾小姐表示:「個樣有少少mix,不過幾靚同得意。」



■Mandy為洗米華三年抱三。資料圖片 ■洗米華揀選馬爾代夫一間私隱度極高的酒店與Mandy度假。互聯網圖片

遊日本補鑊

據知情人士透露,洗米華本來分配好時間,先與家人在新西蘭預祝聖誕及慶祝父親生日,未知洗米華是否突然有事,未有留待父親的生日宴就離開,轉飛去馬爾代夫見Mandy。而洗米嫂日前在Ig貼相,見到一家人與老爺慶祝,惟獨沒有洗米華蹤影。當家庭之旅結束,洗米嫂與大女梓潼再多留幾日玩,至於已返港的周爸爸及洗米華胞姊更專程接洗米嫂機,相當重視及愛錫新抱。今次洗米華甩底父親的80大壽,當然要補鑊,據悉他計劃下月農曆新年再與家人去日本度歲,並已約好太陽娛樂其他高層幾個家庭一齊去。

採訪:唐琛悠




鍾意就快D Share啦!
Related Posts Plugin for WordPress, Blogger...