掃呢頁CODE去手機

2018年1月11日 星期四

港大生搞代購 app如何突破零收入? [壹週刊 - 1453 - 財經] __,M1,

(左起)Lewis、Tim及Winston指,現時代購app未有收費,幸好之前跟品牌有合作,暫有六位數字可用來糧,平時都會十分節儉,但可以經常試玩潮物 ...






(左起) Lewis、 Tim及 Winston指,

現時代購 app未有收費,幸好之前跟品牌有合作,暫有六位數字可用來糧,平時都會十分節儉,但可以經常試玩潮物都已心足。

Start up擂台

港大生搞代購 app如何突破零收入?

網上購物盛行,除了國產淘寶,日韓代購、團購,在香港早已做到「頂爛市」地步,不少人創業都想由 IG shop做起,但有人卻反其道而行,由解決「幫手買嘢」開始建立自己的事業。

龐[!FD55]林( Lewis)於香港大學主修財務,再往英國修讀金融管理碩士課程,畢業後被公司派駐日本兩年。其後轉往內地的手機遊戲公司工作,長駐北京。由於工作關係,他身邊有不少朋友都要求他代購,「試過有人俾水蛇春咁長嘅 list我去幫手買嘢,有時真係買唔到咁多,所以我就諗呢盤生意有冇得做。」

大家都有呢個供應同需求,但好難去配對,如果突然間想購物,朋友未必可以即刻幫我,所以就諗緊點樣去解決。」一六年初, Lewis決定辭職,與兩位友人 Tim及 Winston一起創立代購 app「 Fetch」,令買賣流程變得簡易。

現時代購 app平均每日約有二千名登記用戶使用,下載量約二萬五千。但現時費用全免,公司處於「燒銀紙」狀態。加上市場競爭者極多,不少同類型公司一年內宣布「玩完」,專家 Kenneth直言「都聽過好多間做唔住」,到底有冇得做落去?





4.之後買家就可選擇旅友給的報價,進行交易程序。





3.當發送請求時,已確認在當地的用戶就會收到通知。





2.選好就可以落單,如果是多人購買過, app內亦會提供建議售價。





1.首先上載心儀的物品,亦可從 app上揀選。

我點 sell? 一 upload即刻有人覆單!





Bella指,試過經代購網購物,惟溝通很久很麻煩,更試過店主買錯商品,就算不要仍要付運費,所以對 Fetch十分支持。

Lewis表示,以往代購網的流程一般都是「搵貨、私信、入數、等買貨、面交」,消費者可能搜索多時都未必找到心儀的物品,他就指:「成個模式好簡單,我哋買賣雙方喺同一個平台上,如果我想買嘢嘅話,我就 upload一張相作請求,寫喺邊個國家買,唔使報價,甚至唔知價錢都可以。」他續指:「 Upload之後,我哋就會通知俾依家喺第二個國家嘅用戶,當佢哋收到呢個 message,有人想要嗰樣嘢,佢哋又覺得買到,又知價錢,就可以報價。買家睇到有幾個報價,覺得 OK嘅話,就可以接受,然後透過個 app落訂,收到全額訂金之後,就會 keep起先,直至完成晒交易,先會將錢交給賣家。」

Lewis自信地說:「比起其他平台,用我哋嘅平台一定可以平啲。」他解釋:「你 upload件商品之後,可能有一百個喺當地旅行嘅人收到通知,當中有十幾個人可以買到嘅話,佢哋就會報價,就可以揀到最平嘅價錢。」而用家之一 Bella就指,這個 app比一般網購平台方便不少:「成個過程都好方便,好似我之前買咗支球鞋防水噴霧,可能比較普遍,就即刻有人覆,我上網比較番,百幾蚊至二百蚊都有,但我嗰次只需九十幾蚊。」

賣鹹蛋薯片賺機票





Kenneth(右)坦言, Lewis(左)處於單打獨鬥階段,目前除了要積極尋找品牌合作外,亦可找專門做 app的公司,測試 app的使用體驗有沒有改善的空間。

Lewis續指,現時仍以日韓食品、化妝品及明星精品等最受歡迎,但要數到後起之秀,就不得不提來自新加坡的鹹蛋魚皮:「佢出名原因係喺當地宣傳得好好,好多當地、香港同亞洲嘅 KOL都有分享,但喺香港就未有得賣。」他舉例指,以當地正價九十多港元購買一包,而平台上的用戶肯以一百五十元至一百八十元購買一包,一次購買二十包就可以賺取一張機票的價錢。

因為這個生意,三位原本「宅宅哋」的老闆,對流行物品都十分了解:「最近有個加濕器,有啲卡通人物喺上面,都好多人想買;好似啲韓國化妝品牌,其實喺香港有鋪頭,不過最新款,或者係聯名限定,香港一定唔會有,所以好多人都好願意喺我哋代購平台上買。」他們更坦承,在標題加上「隱世」、「極邪惡」等字眼會即時令更多人觀看:「通常產品嚟到香港之後,香港人好鍾意幫佢改名,好似瘦臉神器、美白棉花之類,嚟到香港之後先有。」問到會否因此更容易追女仔, Winston笑笑口地說:「唔知呀!」

現時 Fetch共有三個收貨渠道,包括自提點、智能櫃及郵寄,但現時 Fetch並沒有收費模式,換言之公司收入「幾乎零」。「你話我哋點樣賺錢,其實我哋仲喺度思考緊,之後可能會加少少交易費,大約百分之五左右。」 Lewis表示。

終極判決 有自信加同情分





日本輕量版除塵蟎吸塵器,設塵蟎顯示燈,可顯示雜質含量,更可吸濕。 Lewis指香港有行貨代理後,市價約$1,000,現時代購價約$700至$800。

我覺得這個模式太容易給人抄襲,以及現在你的合作企業根本就不夠,可以說是接近零。你要探索更加多合作機會。

我建議可以跟旅行社合作,現時有不少購物團,最好可以一整團都可以幫手,空姐或者是飛機師都可以考慮。至於盈利模式,我見到將來競爭都很大,因為很多公司都有類似這樣的想法。

我本來是給 6至 6.5分,但是我見他真的是很有信心,以及我相信他公司是會很有堅持,所以我會給他這盤生意 7分。

創業貼士 多 like無錢賺點算好?

Kenneth就指,看過不少初創公司都能夠在社交平台上「吸 like」,但始終是賺不到錢,他解釋:「老闆一定要知道,邊一個先係真金白銀去幫襯,係個 brand,定係啲用戶,呢個一定要好清楚,如果係 brand嘅話,投放嘅資源就要重新分配。」

他補充:「一開始唔少公司可能會嘗到甜頭,做咗啲好特別嘅產品出嚟,或者搵到有幾樣嘢特別好賣,但最難係持續性,下次又做唔做到?」





每逢有新產品上架,三位老闆都會第一時間研究,較受歡迎就會立即宣傳。

專家提問 俾一百萬就可以抄到你公司?

鄒:科學園科培網絡會長鄒健宏( Kenneth)

F: Fetch

鄒:你們公司有什麼突出的地方?優勝的地方是在哪一個位置?

F:很坦白說,我們一開始都沒有一個很高的技術門檻,簡單來說用一百至二百萬來抄,就一 定抄到。但我覺得我們的優勝之處,第一是我們的團隊,例如我創辦公司前,我辭了職做 了很多市場研究。當初我真是由幾十個開始創立出來,全部真用戶,慢慢去試。

鄒:剛才我試用過個 app,其實都有改善的地方,因為它不斷問我拿個人資料,以及那介面都 不算太好用,你會怎樣去改善這個情況?

F:我們遇到的問題就是,用戶不明白如何使用。好像他們會問,是不是有很多表格要填,這 些可能會遇到的問題,之後我們主要想改變將落單及接單的模式變得更加「社交化」。( 即是怎樣?)好像我見到這個物品吸引,我就留言說多少錢,有沒有人幫到手之後你就什 麼資料都不用填。

鄒:你中間其實如何賺錢?

F:我們都有想過數種可行的模式,除了交易費之外,會跟一些供應商,好像其他的海外供應 商及品牌,在他們的身上賺錢。

鄒:你們幾個現時有沒有人工?

F:其實坦白說,我們幾個老闆,支出都很少錢,能夠支付生活費。(其實夠不夠?)可以話 足夠。加上現時加入了數碼港都有資助。

鄒:我見過有不少跟你們類似的公司,她們都很短時間就做不下去,你會不會都重蹈覆轍,會 遇到他們的問題?

F:我覺得很難去評論為何做不到,因為實在有太多的因素,失敗的例子我們會吸取教訓,有 成功的例子都會學習。

鄒:初創公司要成功,可能真的要靠外面的大公司,或者大型的品牌幫手,你有沒有類似的生 意夥伴?

F:其實就沒有,我們希望做的是,這個模式在香港行通之後,我們就可以在網上的途徑才帶 出去台灣或馬來西亞,我們去試吓在哪個市場,更加有效去做這件事。

撰文:梁延宇

攝影:廖健昌


鍾意就快D Share啦!