2018年1月25日 星期四

同現任再生 B女何嘉莉冇大細超 [壹週刊 - 1455] __,何嘉莉,M1,

何嘉莉拆開棉花糖餵完老公!探熱針同現任再生B女何嘉莉冇大細超前英皇小花何嘉莉同甜品店太子爺黃逸璋King離婚後,帶住囝囝Jean改嫁飛機師Gerald ...






何嘉莉拆開棉花糖餵完老公!

探熱針

同現任再生 B女何嘉莉冇大細超

前英皇小花何嘉莉同甜品店太子爺黃逸璋 King離婚後,帶住囝囝 Jean改嫁飛機師 Gerald,七歲大的 Jean同新「 daddy」非常投契,何嘉莉今次搵到 Mr Right喇!

去年九月何嘉莉再做媽咪,幫 Gerald誕下 B女,湊成個「好」字!早前見佢哋一家四口出動行街,兩公婆錫住 B女 Zoe之餘,都冇忽略大仔。產後四個月的何嘉莉收身七七八八,剩係肚腩仲有少少肥肉。







再餵阿仔,勁 sweet!





產後唔夠四個月的何嘉莉,已經收身七七八八。





Jean揀咗棉花糖要媽咪買。

哥哥冇呷醋

何嘉莉出席活動時讚大仔夠乖,完全唔呷妹妹醋。早前一家四口去又一城晚飯,何嘉莉同老公主力湊 B,同行另有一名親戚負責照顧大仔。其間爸爸不時撩 BB玩,一副冧樣,至於 Jean都好有哥哥風範,幫媽咪整好 BB車。四個月大的 B女 Zoe,眼仔碌碌,皮膚白白淨,人仔細細五官已經好標致,難怪父母錫到燶。





早前何嘉莉上網分享外國好流行的「 Exercise with baby」,得意 B女仲同媽咪一齊腳撐撐。





做哥哥的 Jean完全無呷醋,仲好錫妹妹。





B女 100日,兩公婆無大搞,只準備蛋糕一家人慶祝。

賣甩 B女

雖然 B女出咗世,但一向對 Jean視為己出的 Gerald都冇大細超。另一日何嘉莉同老公暫時撇甩 B女,湊住 Jean去 shopping。生 B四個月,何嘉莉收身進度理想,著住貼身間條衫,手手腳腳同以前一樣瘦,唯獨生咗兩件嘅腰圍仲未回復少女時嘅纖幼。一行三人先去無印良品買零食, Jean一手拎起棉花糖要媽咪買,何嘉莉一口應承,點知轉頭 Gerald又拎起同一款棉花糖,「兩父子」果然心有靈犀!

買完零食,何嘉莉急不及待拆開一包棉花糖,自己食完一啖,再餵老公食,之後又輪到阿仔咬,一包糖三份食,勁溫馨!未夠喉,一家人再去 cafe high tea, Gerald拎住 menu問老婆想食乜,最後買咗一件綠茶蛋卷三份食。





另一日一家四口出動, Gerald對住 B女 keep住冧樣,時不時撩 B女玩。





Jean幫妹妹整好 BB車,好有哥哥風範。





%四個月大 B女 Zoe好足秤,仲成日眼仔碌碌。

撰文:娛樂組 

攝影:李溢敏、陳亦龍 


鍾意就快D Share啦!
Related Posts Plugin for WordPress, Blogger...