掃呢頁CODE去手機

2018年1月15日 星期一

內地最火港星男友吸引留低發展陳偉霆巴西女友長腿出巡搭港鐵撩B玩 __,港鐵,陳偉霆,

【𠱁B高手】■Bruna前日現身灣仔搭港鐵到中環,逗BB玩得好開心。【灣仔→中環】四年前陳偉霆(William)在黃曉明口中只是一個「而我不知道」的人 ...




【灣仔→中環】四年前陳偉霆(William)在黃曉明口中只是一個「而我不知道」的人,現年32歲的William已成為內地最紅港星,去年更打入福布斯中國名人榜,排位直逼踩自己在腳下的黃曉明。William最近跟巴西籍女模Bruna G Marth爆戀情,女友都被吸引留港發展,前日現身灣仔長腿出巡,被本報獨家捕獲搭港鐵撩B玩。

於03年入行的陳偉霆在香港出道後一直半紅不黑,初出道時他跟Angelababy拍拖,分手後Baby戀上黃曉明,當時身為一線紅星的曉明曾揶揄:「而我不知道陳偉霆是誰。」直至13年William轉戰北上拍內地劇《古劍奇譚》爆紅,命運從此逆轉,網傳William前年拍內地劇《老九門》,酬勞收5,000萬人民幣,去年更打入福布斯中國名人榜第21位,排名只比黃曉明低5位。



■高大健碩的陳偉霆擁有男模身材,跟索模女友有得揮。微博圖片 ■骨感的Bruna接拍過不少內衣廣告,巧合的是William的舊愛都是平胸一族。網上圖片 【44吋長腿】

■Bruna在灣仔搭港鐵到中環,長腿出巡甚為吸睛。

瘋狂濕平

被內地女鐵粉封為「國民老公」的William,最近跟24歲巴西籍女模Bruna G Marth爆戀情,早前William在淺水灣被影到帶女友見家長,明顯打得火熱。前日下午4時許,本報發現着迷你裙騷44吋索腿的Bruna單拖現身灣仔,當時她用手提電話搵路,接着到港鐵站為八達通增值,入了車廂後站在門邊玩手機,其旁邊座位有一個BB,可能Bruna身材高䠷關係,BB都被長腿姐姐吸引,Bruna見BB精靈可愛,不停逗玩兼送飛吻。而William不時在社交網貼姪仔姪女相,不知Bruna是否跟William的姪仔玩得多,所以逗BB經驗豐富。



【眉開眼笑】

■身高5呎11吋的Bruna彎低腰逗BB,24歲的她已母愛氾濫。
【睇男裝帽】

■Bruna單拖到中環逛名店,還特地去睇男裝帽。
【踎街飲酒】

■即使與朋友到蘭桂坊飲酒,Bruna都掛住玩手機,不知是否跟陳偉霆傾密偈呢!

Bruna到中環站落車,直奔置地廣塲行名店,先買了一支唇膏,再轉戰另一間名店買手鏈,其後就去睇男裝帽,不知是否揀禮物送給William呢。Bruna似乎對中環幾熟路,其後去了Apple買手機,跟着會合女友人再去血拼,滿足完購物慾後就到蘭桂坊醫肚,之後就坐的士離去。

有指William去年3月出席巴黎時裝周認識Bruna,William主動出擊取得女方聯絡電話,由於Bruna之前在上海工作,兩人成功製造機會發展,短短兩個月已撻着。據知Bruna最近決定來港發展,剛跟Mandy Lieu旗下Quest model簽約,Bruna昨透過公司發言人葉小姐回應:「多謝大家關心,其實入行後去過唔同地方發展,今次想嚟香港試試。」



■陳偉霆昨在微博貼灰髮新look相,內地女鐵粉紛讚靚仔。

身形高䠷

葉小姐則說:「公司喺世界各地搜羅高質素嘅模特兒返嚟,Bruna個樣好甜,身形比例好好,有5呎11吋,喺天橋好吃香,因為香港女仔唔夠高,近十年、八年冇出過高妹,佢會主力行fashion show同影雜誌。」葉小姐又指從沒聽聞Bruna跟William的戀事,她說:「我哋唔會因為邊個同邊個拍拖而搵佢簽約,主要係搵高質素嘅女仔。基本上佢都冇同我講拍拖嘅事,模特兒嘅私人事我哋都唔會過問,尊重返佢哋私生活,最重要係佢哋畀心機同專業。」

採訪、攝影:羅慧敏、黃曉程、朱志聰、羅德光




鍾意就快D Share啦!