掃呢頁CODE去手機

2018年1月4日 星期四

康宏高層舞起翠如 BB股 [壹週刊 - 1452 - 財經] __,翠如,康宏,黃翠如,M1,

康宏前主席王利民(左二)及前行政總裁麥光耀(左三)被廉署拘捕後,又遭康宏入稟控告,短期內或難以再展露如此燦爛笑容。中環人語康宏高層舞起翠如BB股康宏事 ...






康宏前主席王利民(左二)及前行政總裁麥光耀(左三)被廉署拘捕後,又遭康宏入稟控告,短期內或難以再展露如此燦爛笑容。

中環人語

康宏高層舞起翠如 BB股

康宏事件,鑊鑊高潮。上週公司再入稟高等法院,控告前主席王利民及前行政總裁麥光耀,成立「康宏証券投資服務有限公司( CIS)」,同上市公司混淆視聽,將康宏環球的客戶及生意機會,轉移到佢哋嘅「高層私幫生意」;不過,王利民就話當初係獲授權可以用「康宏」商標咁話。

誰是誰非,由雙方在法庭上爭辯罷啦。睇番呢間 CIS,過去多次有董事加入及辭職,絕大部分都係康宏高層,除咗有麥光耀、仲有康宏前公司秘書周劍恒,及康宏創辦人陳志強等,猶如「影子」康宏,反映呢個做法並非一朝一夕。 CIS而家持有 3.2%隆成金融( 1225)及 1.5%君陽( 397)股份,都係眾所周知嘅謎網五十股。仲有,之前翠如 BB股聯旺( 8217)上市,股價炒到飛起,當時揸重聯旺街貨的證券行就包括康宏,反映啲咩唔使畫公仔畫出腸!

霸王夫婦清舊賬

新年伊始,可惜唔係個個都可以同另一半開開心心共度,就好似霸王創辦人兼主席陳啟源及其妻萬玉華,年尾上演「洗頭水風暴」,比大台播緊嗰套仲寫實,吸引更多人追睇。

萬玉華在記者會聲淚俱下話,一○年的報導影響霸王銷情,老公插手公司業務,令兩人產生矛盾。決裂係因為《壹》仔「出現」?講到影響力等同戲裡的小三陳敏之,小宗代表《壹》仔講聲:太客氣

萬玉華又再哭訴遭陳啟源家暴及經濟封鎖,翻查記錄,萬玉華名義下有兩個位於半山壹號的單位,一○年共以五千萬元購入,今年三月曾打算以二千六百萬元售出。不過陳啟源就入稟高院,指一五年兩人分居,單位由兩人合資購買,應各有一半業權,所以未經他同意不得出售。單官司睇怕短期難以解決,所以新一年唔一定有新開始,有啲舊賬都係時候清清喇! A





陳啟源其後發聲明回應指萬玉華言論無事實根據。





她又出示雙方於一四年簽訂的離婚協議書,當時雙方同意平均分配財產。





霸王創辦人兼主席陳啟源已分居妻子萬玉華早前入稟,要求將霸王的控股公司清盤,她於記者會發言時表現激動。

撰文:宗菁華 


鍾意就快D Share啦!