掃呢頁CODE去手機

2018年1月20日 星期六

混血B萌到震!揭周汶錡囝囝吸Like秘技 __,周汶錡,

真係好cute呀!近排圈中瀰漫住一股生B熱,嗰嗰都生,嗰嗰都咁得意,當中最受人注意就係一班女模都誕下嘅混血BB,只因一個字「萌」!名模周汶錡一對中法混 ...


真係好cute呀!


近排圈中瀰漫住一股生B熱,嗰嗰都生,嗰嗰都咁得意,當中最受人注意就係一班女模都誕下嘅混血BB,只因一個字「萌」!名模周汶錡一對中法混血寶貝仔Jacques及Avner,cute到不得了!集四國混血嘅貝安琪b仔Sebastian、官恩娜囝囝Gabriel、Ana R.囡囡Maya、Jessica C.囡囡Tessa、及Lisa S.嘅子女都一樣可愛!混血萌B喺社交網吸LIKE有一手,今次齊齊睇吓佢哋有咩吸Like秘密!

周汶錡

名模周汶錡(Kathy)於2015年為法籍老公Julien誕下中法混血兒Jacques,於2016年誕下二仔Avner,Kathy不時喺社交平台大晒囝囝萌照,塊面紅卜卜,獲得唔少粉絲支持,like嘅次數仲多個Kathy!而Kathy對囝囝採取自然發展,唔做怪獸家長,亦唔使小朋友上playgorup,所以見佢成日post同Jacques去玩嘅相,佢哋絕對唔係虎媽虎爸,而且老公係法國人,Kathy覺得香港讀書大壓力,仲話會考慮移居法國,想小朋友喺開心冇壓力嘅環境成長,等佢哋自己話事。Kathy更指Jacques好鍾意整蠱人,會專登叫錯人個名,係好正經咁,好有周星馳影子。

貝安琪

名模貝安琪(Ankie)是中德混血兒,而「老公」Simon Van Damme擁有摩洛哥及加拿大血統,Ankie年初誕下四國混血B仔Sebastian,Sebastian一樣可愛到爆,一對大眼睛似足Ankie。喺外國長大Ankie採取自由式教育,但溝通上Ankie與Simon以英文為主,Ankie與囝囝講德文同廣東話,Simon就同囝囝講法文,囝囝就睇英文電視,識四國語言,本身就已經贏在起跑線。雖然Ankie喜歡囝囝自己探索周圍事物,但原來Simon先係怪獸家長,要求9個月大的囝囝上playgroup,Ankie都戥囝囝辛苦。

官恩娜

歌手官恩娜(Ella)的老公Juan-Domingo Maurellet本身是中法混血兒,Ella於2015年誕下囝囝Gabriel-Antonio Maurellet,外形肥嘟嘟,Ella成日放Gabriel周圍跑嘅片上網,好可愛。Ella為咗囝囝產後停工,專心湊B,更不時帶Gabriel四處遊歷,去動物園又上親子烹飪班,之前更穿上母子裝過萬聖節。本身低調復工錄音的Ella,依家懷有第二胎,仲仍然帶Gabriel周圍去,奉行自然育兒法,認真無得頂!

Jessica C.

Jessica C.父親為美國人,母親則是菲律賓華僑,JC本身係美菲混血兒,佢為安志杰生咗女兒Tessa,Tessa冇乜頭髮,成個男仔頭咁,所以成日都戴住個頭帶,同埋成日都着裙仔,JC同Andy結婚,Tessa仲做埋花女。JC成日都帶囡囡去玩,見Tessa成日都周圍走,都應該好開心。

Ana R.

Ana R.本身有西班牙及韓國血統,而老公Brad則有英國血統,所以二人嘅囡囡Maya集二人優良基因,Maya鼻高高,面對鏡頭都唔驚,而且Maya比較男仔頭,成日同屋企狗狗打成一片,Ana沒有強迫Maya學咩,得閒就畀Maya去玩吓,佢亦唔係虎媽,反而老公就想女兒學打拳,可以保護自己,但Ana覺得女仔始終都怕會受傷!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!