掃呢頁CODE去手機

2018年1月27日 星期六

【多圖】周慧敏紅館大騷白滑玉腿 __,周慧敏,

索到盡呀!周慧敏(Vivian)一連四晚紅館演唱會開鑼,身穿新版宮廷服的她除下裙擺,變成短裙露出修長美腿,又跳又唱一段跳舞Medley,唱到《自作多情 ...


索到盡呀!


周慧敏(Vivian)一連四晚紅館演唱會開鑼,身穿新版宮廷服的她除下裙擺,變成短裙露出修長美腿,又跳又唱一段跳舞Medley,唱到《自作多情》時,有男dancer摸其玉腿,期間她又行到台邊,唱完《假裝》擺Ending Pose時,她被男dancer抬起。

自彈自唱經典歌曲

接着台上移出大天鵝布置,原來是一座鋼琴,身穿低胸及大露背黑色裙的Vivian出場,但其心口及背脊均是薄紗,她自彈自唱《時間》及《可知我想他》,唱完後她謂這兩曲是自己寫,其中《時間》是自己97年淡出樂壇前推出,而《可知我想他》則是90年的歌,由好友李克勤填詞,其後唱出一段side track medley,包括《歲月的童話》及《紅河村》等曲,她謂知道大家有很多歌想聽但之前未能獻唱,所以四晚都會唱不同side track給大家聽。期間在二胡、小朋友拉小提琴及豎琴伴奏下,身穿粉紅花花晚裝裙的Vivian再出場唱出日文歌《秋櫻》及《走在雨中》。

黃凱芹憶初見周慧敏

唱完《咖啡在等一個人》後,嘉賓黃凱芹(Chris)出場與她合唱《流言》、《萬千寵愛在一身》等經典歌,兩人在台上講舊事大放笑彈, Vivian表示已多年冇見Chris,表示兩人已相識30年有多,但Vivian笑言:「如果識咗超過30年我哋應該好老友先啱,但點解我都冇你手提電話號碼?你有冇手機?係咪智能電話?」觀眾大笑,Chris笑言:「我依家有啦,但我淨係會同家人WhatsApp,你又唔做我家人。」Vivian即謂大家都是一家人。Chris又講到第一次見到Vivian的畫面:「嗰陣我啱啱喺電台打工,有日佢紮住個大蝴蝶結出現咗喺電台,好慌張咁喺度摷個袋,原來佢唔記得咗帶橙汁同埋藥,原來嗰時佢病。」Vivian即話因為當時有肺癆,Chris即笑言:「咁嚴重?肺癆會傳染㗎喎?」Vivian笑言:「但依家冇事㗎喇。」Chris續話:「好感動嘅係佢媽咪由港島高街即刻飛的去廣播道電台帶支橙汁畀佢。」

二人關係如表親

Vivian又話與Chris的媽咪關係幾好,Chris亦話兩人媽咪以姊妹相稱,Chris笑言:「你媽媽成日喺你背後話畀我阿媽聽,讚我樣又好、人品好,最緊要係都對老人家好,但冇辦法啦,你阿媽對我幾好都係廢嘅,可能你記仇啦,第一日見嗰陣你畀我鬧過,呢啲就係韓劇角色,男主角好火,女主角好靚,但永遠修唔成正果。」

視黃凱芹為榜樣

他續謂記得當年在大專會堂合唱完後,因為他要離開電台工作,所以Vivian攬住他喊,Vivian表示:「其實你係我role model,睇你頭,你唱歌、做DJ、離開電台都比我先,睇住處理你嘅工作事務上學到好多嘢。」Chris笑言:「我將來離開呢個世界都比你先,所以你學定嘢。」Vivian抵死笑言:「好呀,我同你化妝。」全場大笑。

多年不見情未變

然後Chris續謂當年離開香港時Vivian送了一份禮物給他,就是一張Vivian的照片,上面有其簽名及寫住「Have a wonderful life」,他表示托賴雙方多年來都有個美好人生,Vivian亦多謝Chris:「其實我搵唔到佢好耐,係最近先搵番到佢,佢係一個好特別嘅人,知道佢需要有自己嘅空間,所以我唔會強求,但係當我最需要佢嘅時候佢就會企喺我身邊。」然後Vivian落台換衫, Chris就唱出《傷感的戀人》。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!