網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月22日 星期一

唐詩詠馬國明攞獎 洪永城心穎冧滋滋講乜? __,心穎,唐詩詠,詩詠,馬國明,洪永城,黃心穎,

Sosweet!台慶頒獎典禮昨晚圓滿結束,除咗得獎者開心之外,佢哋身邊嘅另一半或好友都好戥佢哋開心,好似榮升視后嘅唐詩詠,舊愛洪永城繼早前發文力撐佢多 ...


So sweet!


台慶頒獎典禮昨晚圓滿結束,除咗得獎者開心之外,佢哋身邊嘅另一半或好友都好戥佢哋開心,好似榮升視后嘅唐詩詠,舊愛洪永城繼早前發文力撐佢多年嚟嘅努力,希望佢能夠成功獲獎後,昨晚洪永城即使身處台灣,亦上網睇頒獎典禮直播,仲cap低詩詠榮獲視后嘅畫面,留言表示:「你得咗啦,視后。」嘩!睇得出洪永城對詩詠仲非常關心,唔通佢哋真係復合有望?

黃心穎罕晒同馬國明合照

另一邊廂,失落視帝嘅馬國明就獲得「我最喜愛男角色」獎,佢行出去攞獎時,就同黃心穎公開握手,認真Sweet!之後,心穎仲喺網上甫出二人合照,並留言:「so proud of you!you earned more than this.(為你感到驕傲,你獲得的比這更多。)」雖然唔少網民都戥馬國明好唔抵,但心穎亦留言安慰網友:「他的演技不需要獎項來肯定的,看到你們的支持我相信更寶貴。」相信馬國明睇到呢句咩都足夠

莊思明陪楊明走未來路

至於入咗行差唔多有20年嘅楊明,終於拎到「飛躍進步男藝員獎」,佢唔單止喺台上送吻畀女友,仲多謝好多人。而佢女友莊思明都好戥楊明開心,唔單止即時喺社交網上載男友拎獎嘅畫面,仲留言表示:「恭喜你終於係(喺)香港攞獎喇!20年的確係一條好長嘅路,今晚證明咗你嘅努力同堅持係冇白費,以後無論條路幾長我都會陪你繼續走下去,繼續努力,繼續加油!再一次恭喜你。」隨後,仲為男友預備晒佢鍾意食嘅嘢,並留言:「終於等到你返嚟冇咩可以俾(畀)你,只能為你準備一個小型慶功宴,我專登出去買你最鐘意食嘅魚蛋燒賣!再一次恭喜恭喜再恭喜!」女友咁細心,特登出去買畀楊明喎,難怪楊明個樣咁冧啦,仲開心到齊齊拎住個獎影合照!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!