網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月15日 星期一

【爆相爆片】一缸沖涼水五個人用 張新悅區議員老公孭環保袋夠貼地 __,張新悅,

41歲嘅楊張新悅(Nicola)喺07年與現職區議員嘅楊哲安結婚,先後誕下三個女,分別係8歲嘅Lucy、7歲嘅Lily同3歲嘅Leah,Nicola婚 ...




41歲嘅楊張新悅(Nicola)喺07年與現職區議員嘅楊哲安結婚,先後誕下三個女,分別係8歲嘅Lucy、7歲嘅Lily同3歲嘅Leah,Nicola婚後淡出娛樂圈,專心相夫教女。

《蘋果》讀者林小姐日前透過「爆相爆片」表示於上周日(7號)喺銅鑼灣嘅街邊攤檔見到張新悅一家五口,當時張新悅陪住三個女一齊揀玩具,而老公就一直企喺旁邊耐心等待。林小姐話﹕「當時晚上七點左右,見佢哋嘅小朋友都好乖,媽咪喺旁邊畀意見,佢哋揀咗大約15分鐘,最後每人有一份砌屋仔嘅玩具,價錢都係百幾二百蚊左右,唔係太貴。」

張新悅嘅老公楊哲安曾任教育局政治助理,而張新悅就喺2012年完成香港大學環境管理理學碩士課程。張新悅經常都話教小朋友注重品德多過學業,而且非常重視環保;早前佢接受黎燕珊節目訪問時,透露三個女會着親友贈送嘅二手衫,平時會限制屋企人瞓覺時先開冷氣,洗手用一兜水,連沖涼都會畀三個女先用浴缸,之後佢加啲水,就輪到佢同老公沖,五個人沖完晒就會再用啲水嚟洗地或沖廁,真係好環保。(相關新聞﹕http://bit.ly/2qWcyiR)

當日見張新悅三個女買完玩具後都冇用膠袋或紙袋載住,只係小小雙手拎住玩具,但個樣就似乎好開心,因為有新玩具玩。而爸爸楊哲安雖然着住套西裝,但都都拎住一個綠色環保袋,似乎張新悅家教真係好好。



更多娛聞,喺晒《娛果》

http://fb.com/appledailyent

張新悅一家都好環保,買嘢唔使用膠袋,老公仲唔介意幫好拎環保袋添。 (圖片由讀者林小姐提供) 小朋友見到玩具都雙眼發光,好小心揀禮物。(圖片由讀者林小姐提供)
老公最初都有畀吓意見,但小朋友都係鍾意自己話事。(圖片由讀者林小姐提供) 三個小朋友滿載而歸。(圖片由讀者林小姐提供) 張新悅老公早前選區議員,一家人都有支持。(資料圖片)
(資料圖片) 一家五口(資料圖片)

鍾意就快D Share啦!