掃呢頁CODE去手機

2018年1月12日 星期五

極品!蔡少芬張晉着十年前禮服影合家歡 __,張晉,蔡少芬,

蔡少芬與老公張晉着番十年前套禮服影合家歡,幸福滿瀉!藝人夫妻張晉與太太蔡少芬(Ada)自2008年拉埋天窗後,2011年誕下大女張楚兒,兩年後則迎接細 ...


蔡少芬與老公張晉着番十年前套禮服影合家歡,幸福滿瀉!


藝人夫妻張晉與太太蔡少芬(Ada)自2008年拉埋天窗後,2011年誕下大女張楚兒,兩年後則迎接細女張信兒嘅降臨,一家四口幸福美滿!

唔經唔覺佢哋已經結婚十年喇!趁住十周年嘅大日子,Ada孖老公再着上當年結婚禮服同囡囡影番輯溫馨家庭照,相當有意義。Ada喺微博分享合家歡!見到佢哋一家四口默契十足,齊齊大擺搞笑甫士,楚兒同信兒仲扮摑Ada佢哋添,幽默細胞表露無遺。除咗溫馨全家福外,張晉都有同太太恩愛合照,喺鏡頭前面貼面、十指緊扣及甜蜜互望,So Sweet!最難得係佢哋着番十年前嗰套禮服,依然咁啱身,果然Keep得好好!

隨後Ada發文感激老公多年來扶持,並寫道:「感謝天父,時間過得太急速了!十年有喜有憂有趣有怒一切一切都是滿滿的愛!如沒有主的恩典,這個家不可能如此繽紛!往後每一日,我們也會繼續堅愛,也謝謝『極品』張晉,愛你啊!」

而張晉亦深情回話:「十年前的今天,我娶了你,這十年裏有風、有雨、有彩虹,還有倆搗亂的。十年前的婚紗和禮服,今天還能穿,讓我們保持身材,繼續風雨同路,看看下一個十年還能不能穿」。真係閃到爆!

另外,好姊妹蔣欣同陳法蓉都有留言祝賀佢哋!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!