掃呢頁CODE去手機

2018年1月13日 星期六

【被逼做怪獸家長】 陳豪擬搬往校網區﹕學緊喺(香港)教育制度點生存 __,陳豪,

陳豪、胡諾言及女兒、林盛斌(Bob)及女兒、歐鎧淳同兩個契仔今日喺金鐘出席「第五屆童跑同樂馬拉松」,陳豪指仔女仲細,所以冇帶佢哋嚟,不過佢話好期待同子 ...




陳豪、胡諾言及女兒、林盛斌(Bob)及女兒、歐鎧淳同兩個契仔今日喺金鐘出席「第五屆童跑同樂馬拉松」,陳豪指仔女仲細,所以冇帶佢哋嚟,不過佢話好期待同子女嘅親子互動,亦會請教練教小朋友踩單車、踢波、體操同游水,因為佢怕自己將錯誤方法教俾小朋友,仲會俾小朋友上補習班。怕唔怕被人話係怪獸家長?陳豪表示:「唔係我想,係環境將我變成咁,我都係跟,唔係我創先河。」

講到囝囝搵學校,陳豪透露呢個禮拜都要去幾間學校面試,仲未搵到心儀學校?佢話:「0依家係學校揀家長,我學緊喺教育制度點樣生存。」搬去校網區住?他笑稱:「你估我冇諗咩,遲啲先算。」

講到台慶劇《誇世代》噚晚大結局,臨尾佘詩曼突然現身,唔少人認為係留伏線開續集,陳豪表示:「未呀,仲早,我見到阿佘嗰幕都好驚訝,如果再拍50集搞笑,係有難度,不如原班人馬開其他故事」

另外,胡諾言表示同女兒已經第3年參與呢個慈善跑,希望藉住呢個活動帶出正能量,因為呢個禮拜發生虐兒新聞,佢都睇到眼濕濕,佢話:「臨臨好可憐,但呢件事已經係事實要接受,不論佢父母被判監又好,點都好,佢嘅餘生都係一種懲罰。」



精選娛聞,喺晒《娛果》

http://fb.com/appledailyent

陳豪為咗畀三個小朋友接受最好教育,考慮搬屋。(攝影﹕仇志德) 陳豪話自己都唔想做怪獸家長,但奈何環境將佢轉變。



阿Bob同胡諾言都有帶囡囡參予馬拉松。 歐鎧淳帶埋兩個契仔一齊出席。

鍾意就快D Share啦!