掃呢頁CODE去手機

2018年1月24日 星期三

【逆境希望】樂瞳寫真撐起信和漫畫店:希望本土文化可一直流傳 __,樂瞳,

香港嘅漫畫店買少見少,漫畫小店逐間結業,今日有報道話一間位於旺角嘅漫畫店,就係靠寫真集撐住間舖,店主新哥更講到近期最賣得嘅寫真就係樂瞳:「睇潮流,新聞 ...




香港嘅漫畫店買少見少,漫畫小店逐間結業,今日有報道話一間位於旺角嘅漫畫店,就係靠寫真集撐住間舖,店主新哥更講到近期最賣得嘅寫真就係樂瞳:「睇潮流,新聞越多越好賣。近期最好賣,樂瞳啦,到呢家都日日有人問,不過已經冇貨,出版社都話賣斷晒。」31歲樂瞳寫真賣斷貨!(新聞連結:http://bit.ly/2F4dFPq )

以上係一個漫畫店轉營嘅故事,係勵志定悲哀,相信每個人嘅定義都唔同,但人生係充滿希望。今日《蘋果》聯絡到樂瞳,講到漫畫店的轉型故事,佢話:「其實o依家實體書紙媒真係好難做,好多人都係上網睇嘢,而且免費,越來越少人願意真金白銀買實體書,除非你好鍾意同好希望收藏嗰本漫畫或者寫真集。」

對於自己本寫真撐起間漫畫店,樂瞳就話:「冇諗過自己本寫真集都可以為呢間小店嘅逆境帶來一點希望,其實都好感動,好感觸,自己以前都會行信和,都會好希望呢種本土文化可以一直流傳,我相信信和都係好多人嘅集體回憶,o依家已經少咗好多人買CD聽歌同買漫畫書,再唔支持購買,將來都唔知再可以去邊買到,希望佢哋可以撐住,同埋都會叫仲想買我寫真嘅朋友去佢哋度支持吓。」

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

樂瞳希望本土文化可一直流傳。(資料圖片) 對於自己嘅寫真集能幫助漫畫店,樂瞳話好感動。(資料圖片) (資料圖片)
(資料圖片) (資料圖片) (資料圖片)

鍾意就快D Share啦!