掃呢頁CODE去手機

2018年1月22日 星期一

【旁人急叫報警】馬景濤強吻 劉嘉玲尷尬:嚇死我了 __,馬景濤,劉嘉玲,嘉玲,

劉嘉玲貴為影后級巨星,一向高貴大方、處事淡定,不過噚晚去騰訊節目《吐槽大會》,馬景濤一見劉嘉玲,即撲上前將嘉玲成個人抱起,轉咗一圈,更向鏡頭大叫「克制 ...




劉嘉玲貴為影后級巨星,一向高貴大方、處事淡定,不過噚晚去騰訊節目《吐槽大會》,馬景濤一見劉嘉玲,即撲上前將嘉玲成個人抱起,轉咗一圈,更向鏡頭大叫「克制克制克制」,再大叫「劉嘉玲」,情緒相當亢奮,仲捉住嘉玲強吻,見慣風浪嘅嘉玲都被佢嚇死,但係依然大方企喺佢隔籬,未有太大反應,反而旁人起哄叫「報警吧」。

劉嘉玲當日做節目嘉賓,由於節目係「吐槽」為主,難免互相戲弄同開玩笑,主持人先笑言因為冇錢,請唔到影帝梁朝偉,但是請到同嘉玲有淵源嘅「咆哮帝」馬景濤,接著馬景濤被cue上台,點知場面即一發不可收拾,馬景濤先又抱又錫嘉玲,佢又話嘉玲係佢心目中永遠嘅女神,展開Talk Show,馬景濤仍然好自high,氣氛都好尷尬,其他來賓「你眼望我眼」,好似唔知點算好,全場氣氛冷卻,有來賓甚至遮面同反白眼。

《蘋果》今日問過嘉玲,有冇被馬景濤嚇親,佢話:「當時係有少少反應唔過嚟,以為係大會專登咁設計,但做做吓發覺唔多對路,但點都好,佢畢竟為我而嚟,佢上節目有少少失控,可能係太緊張其實上呢類真人騷係會緊張,不過我仲承受得住,佢o依家俾人鬧到咁,我都為佢難過。」

有網民懷疑馬景濤可能飲醉咗先上節目,或者自high當咗係個人Talk Show咁去演出,疑似「發台瘟」,馬景濤今日喺微博直認當日不小心表現過火,有爭取補錄去半夜3點,對於網上負評,佢表示接受:「失敗就是失敗了,也願意為此擔當首次脫口秀(Talk Show)不良結果。不論是喜歡我的、討厭我的,因此離開我的粉絲,我都為此真誠地向大家道個歉!」對於網民懷疑佢「喝了再上」,他指「這個鍋我不背」,並透露錄影前根本「沒吃東西」。

之前曾傳馬景濤對強國妻酒後家暴,酒醒跪着求饒(新聞連結:http://bit.ly/2G3PYbr),未知係唔係呢個原因,被指飲醉上節目。





馬景濤微博截圖
馬景濤微博截圖

鍾意就快D Share啦!