掃呢頁CODE去手機

2018年1月31日 星期三

最麻煩搭飛機經驗 林作鬧爆國泰勁混亂 __,林作,

林作話佢咁大個都未試過搭飛機會咁混亂㗎!前大律師林作與公司同事去泰國曼谷玩,日日都post相好開心,點知返港時遇上不愉快事件,他於社交平台分享人生最驚 ...


林作話佢咁大個都未試過搭飛機會咁混亂㗎!


前大律師林作與公司同事去泰國曼谷玩,日日都post相好開心,點知返港時遇上不愉快事件,他於社交平台分享人生最驚心動魄乘搭飛機故事,他表示上星期六原定乘坐國泰航空返港,但因收到電郵及訊息話飛機會延遲約兩小時,所以決定遲兩小時去機場,去到機場發現信訊版冇自己班機,而且check in櫃台已關。他寫道:「想衝去國泰counter問,連國泰標誌都搵唔到。最終喺個超細嘅牌仔搵到,點知,完全收咗當。即衝去Information問。個泰國人員態度幾不屑咁答飛機延誤,唔代表你可以延遲check in。check in時間唔會延誤,你已經錯過咗。」他更指:「我以我大律師訓練可以肯定咁講,國泰個SMS同email嘅講法,係擺明冇講check in時間不變。其發出通知目的,除非特別註明,則必定係話你知唔洗(使)咁早去機場。好在,我網上check in咗。去self check-in部機度,我成功印到張機票出黎(嚟)。」而且入到閘林作見唔到航班顯示喺信訊版到,他得到職員回覆表示:「有啊。冇寫咩?睇過?Oh,等我話俾(畀)公司聽先。」令到林作大為不滿,而且十分狼狽。

林作透露電話回覆東網表示:「今次係我史上最麻煩嘅搭飛機經驗,晨早收到話delay兩個鐘,諗住遲兩個鐘去,去到發現冇左(咗)國泰check in counter,問人先知佢check in counter係不延遲,只係起飛時間延遲,我有個行李太大上唔到機,仲要見唔到航班資料顯示,我以為係取消咗,問咗好多人先知班機仲喺度,我咁大個都未試過搭飛機會咁混亂,我真係好失望,甚至係震驚,曼谷咁大個機場咁多人,唔係小島都搞到咁,嚇死!」


來源 source: http://hk.on.cc
鍾意就快D Share啦!