網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月29日 星期一

西甲:古仔西甲首仗冇料到 美斯又做救世主 __,古仔,美斯,古天樂,

(法新社圖片)即上英超刨績王:http://win.on.cc/epl巴塞隆拿周日西甲尾場,主場鬥艾拉維斯,1.6億歐元加盟嘅菲臘比古天奴擔正,首次喺 ...


(法新社圖片)


即上英超刨績王:http://win.on.cc/epl

巴塞隆拿周日西甲尾場,主場鬥艾拉維斯,1.6億歐元加盟嘅菲臘比古天奴擔正,首次喺聯賽亮相,但係踢咗成粒鐘都冇料到,被換出個時勁冇癮。半場落後嘅主隊踢到72分鐘,由蘇亞雷斯追平。原本諗住地上最強執到1分都算係咁,美斯完場前射個靚爆罰球,再做救世主,幫球隊以2:1反勝,驚險追平2009至10年創出嘅21場聯賽不敗紀錄!

古天奴今仗正選上陣,教練華維爾迪變陣,棄用巴塞慣用嘅4-3-3,美斯同阿蘇打雙箭頭,古仔打後一格挨右手邊踢,以4-4-2應戰。點知呢個陣法唔太Work,地上最強今仗攻勢窒過3G上網,仲喺23分鐘畀客隊打個快攻,古迪堤怪腳一射破網先開紀錄。

巴塞之後加強攻勢,但係古仔喺中場同隊友明顯唔夾,挨右邊踢亦好明顯唔慣,上腳太多拖慢球隊行軍速度,地上最強喺變陣後,加埋古仔喺中場,踢起上嚟冇咗自己風格。美斯本來可以半場憑罰球為主隊扳平,但係費蘭度柏捷高飛盡單手撲出,巴塞半場罕有地先落後。

地上最強換邊後繼續強攻,但係組織有心無力,最後華維爾迪喺66分鐘換走古仔,柏高艾卡沙入替打番4-3-3,6分鐘就見效。恩尼斯達變陣後得到解放,左路沉底出個波去遠柱,哨牙蘇球不着地抽入網追和。

雖然追和之後,主隊積極壓前力求3分盡袋,但係都係搵唔到第2個入球,終於喺84分鐘得到一個罰球機會,美斯今次抽刀得手,幫球隊反超前,再做救世主!艾軍其後傾力反撲博追和,博到沙治羅拔圖疑似手球,但係球證冇表示。呢支下游球隊今仗踢出超高水準,可惜最後3分盡失,認真冇陰公。

東網體育FB同你追實體壇每個精彩時刻!

http://bit.ly/2ecTF2A


來源 source: http://hk.on.cc
鍾意就快D Share啦!