係真唔係呀？？
無綫《萬千星輝頒獎典禮2017》仲有幾日（21日）就舉行，唔少候選單位都積極拉票，而早前大熱劇《降魔的》深受觀眾歡迎，結局仲留有伏線，而編審羅佩清仲喺facebook發千字文透露計劃拍續集，連劇名都諗好，叫《降魔的之十字路口》！而一班《降》演員仲為攞獎開續集而拍咗條片《降魔的之攪咩鬼習作》加持添！
劇集一眾演員「小馬」馬國明、「芷若」黃智雯、「龍貓」何遠東、「石敢當」胡鴻鈞、「莉莉」譚嘉儀、「展明」黃子恆、「佩玲」林凱恩、「晶晶」謝雪心及「有為」蔣志光一齊現身，各人做出撻車匙、調校倒後鏡、扣安全帶、揸車等嘅姿勢，加埋用主題曲《到此一遊》做背景音樂，心水清嘅都知道呢一切動作都喺係的士入面做嘅！而片中另一亮點就係黃智雯大跳勁舞，雖然便服上陣，但係有舞蹈底子嘅佢跳得非常誘惑同吸睛，而片尾仲傳來一句：「十字路口有落呀唔該！」同埋「收到！」睇完條片真係好期待呀！
而「龍貓」就喺Instagram上載大合照同留言：「基於要多謝大家對《降魔的》嘅支持，我地（哋）又點可以唔做多少少嘢去報答大家呢？嗱，真係少少少少！又基於一篇千字文岀現，我地（哋）又點可以唔準備少少片花，去吸住大家個睛呢？嗱，條片真係會吸睛㗎！究竟有冇《降魔的之XXXX》，就睇大家」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|