掃呢頁CODE去手機

2018年1月30日 星期二

【倪震感動到喊】周慧敏爆凍齡秘密 克勤聽到好唔抵得... __,克勤,倪震,周慧敏,李克勤,

周慧敏(Vivian)一連四場《一萬天荒愛未老》紅館演唱會噚晚圓滿結束,老公倪震就坐喺頭排繼續支持老婆。其餘到場支持嘅圈中朋友包括關淑怡、鄭丹瑞、翁嘉 ...




周慧敏(Vivian)一連四場《一萬天荒愛未老》紅館演唱會噚晚圓滿結束,老公倪震就坐喺頭排繼續支持老婆。其餘到場支持嘅圈中朋友包括關淑怡、鄭丹瑞、翁嘉穗夫婦、關心妍夫婦、李克勤夫婦等。

好怕凍嘅Vivian,一出場就話:「今日真係好凍,俾多啲能量我,我真係好怕凍,好多謝你,老公,未凍就安排咁多暖爐過我。」之後嘉賓李克勤出場,Vivian話:「呢個嘉賓等咗好耐,老公係度,我都想攬你,呢個攬得。」克勤就話之前Vivian做佢嘉賓,話過大家50歲都做對方(演唱會)嘉賓,加埋開一個一百歲唔死演唱會,之後再過多十年,60歲,Vivian問可以叫咩?克勤話:「開一個百二人瑞演唱會。到時遠位貴啲,近位平啲。」

之後克勤問Vivian點樣可以30年不變,凍齡有咩秘訣?Vivian就話:「我怕醜喎!」克勤話:「怕咩肉酸,有幾肉酸!呢度全部都係自己人。」Vivian即刻好似一個含春少女咁:「老公錫我囉!」台下嘅倪震即刻笑,仲扮感動喊。Vivian放閃,克勤都唔抵得:「好彩我老婆都係度。我知Joe(倪震)好錫Vivian,今晚得9度,後台好似火燄山咁。」Vivian即刻指一指台前:「台前都有兩個。」克勤又話:「但係嘉賓房冇囉!你知呢度近萬咩、細咩,好鬼凍㗎嘛!」Vivian唔好意思話:「唔緊要你身體好嘛!你點解都KEEP得咁好!」克勤即刻食住上:「我都有老婆錫!」

之後,Vivian講到信仰,就忍唔住住喊,仲喊到收唔到聲,要人拎紙巾俾佢:「唔好意思,我真係好大感觸,一張唔夠,要兩三張先夠。」跟住唔顧儀態,大大力咁呻,係咁包雲吞,仲話去握手,一班粉絲一於少理。最後,Vivian唱出85年參加新秀嘅參賽歌曲《最愛》日文版,為演唱會畫上完美句號。

慶功上,Vivian接受訪問話:「原本107磅,o依家99磅,冇刻意去減,可能忙,食少咗。」咁老公會唔會心痛?佢話:「老公話我要肥,三日就可以肥番。」Vivian話上個月開始,喉嚨就唔舒服,耳仔塞,鼻水倒流,食咗四轉藥。聲沙沙嘅Vivian話:「50歲做到呢個騷,又唔係要挑戰自己,又唔係考試,係要去享受,要多謝基仔,係佢嘅天馬行空。」講到基仔之前話啲宮廷裝,Vivian搞破壞:「係呀,好驚呀,啲衫係件件都推,我就件件撥囉。」之但係當年經典不再,佢話:「嗰次係錯摸,係造細咗件衫夾硬拉拉鏈,唔會再有,係『美麗誤會』。」

Vivian台上不停放閃,大晒恩愛,佢話:「真係多謝佢,老公好大功勞,從來都係佢照顧我,照顧我係從第一日識我開始,包括起居飲食,除咗媽咪就係佢,之前係佢下令紅館冷氣調到比正常暖少少嘅,今次演唱會後,我都想學吓照顧番佢多啲。」講到老爺倪匡冇嚟:「係,佢年紀大,都好支持我,佢心痛我瘦咗,倪家後生一輩都有來支持,都好多人嚟。」Vivian又提到之後會休息,仲推咗新加坡同雲頂登台:「o依家唔係追求呢啲,係好享受同呢個團隊合作,最快都要5月先再做。」



最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

攝影:陳俊強 老公倪震(右二)當然有去支持啦 翁嘉穗同老公
關心妍夫婦 關淑怡 克勤同老婆盧淑儀
















同王馨平、湯寶如合體唱《美少女戰士》。
周慧敏 王馨平 湯寶如


周慧敏唱出85年參加新秀嘅參賽歌曲《最愛》日文版,為演唱會畫上完美句號。 同基仔一齊開香檳慶祝。
演唱會後周慧敏接受記者訪問。

鍾意就快D Share啦!