掃呢頁CODE去手機

2018年1月9日 星期二

【蘇小姐返嚟喇...】梁碧玲回港度假 同期同學黃杏秀:真的光陰似箭 __,黃杏秀,

又不是八十年代...今日就同大家嚟個集體回憶,唔知大家仲記唔記得八十年代,處境劇始祖嘅《香港八一》至《香港八六》呢,戲入面嘅懋叔、順嫂、康仔、斌仔、牛 ...




又不是八十年代...

今日就同大家嚟個集體回憶,唔知大家仲記唔記得八十年代,處境劇始祖嘅《香港八一》至《香港八六》呢,戲入面嘅懋叔、順嫂、康仔、斌仔、牛生、牛太、陳積,當然仲有算命師傅覺悟因同佢嘅靚女秘書蘇小姐呢啲人物都陪住好多香港人成長,但好多戲入面嘅演員,O依家都好少再喺螢光幕出現,好似飾演蘇小姐嘅梁碧玲,佢拍完《香港八六》後,有指佢就嫁咗俾台灣富商個仔,育有兩女,o依家喺紐西蘭定居。

好耐冇見嘅梁碧玲,今日就喺黃杏秀嘅微博出現喇。原來梁碧玲同黃杏秀同屬無綫第四期藝員訓練班,黃杏秀喺微博貼咗佢哋嘅同學聚會,留言話:「第四期訓練班因爲梁碧玲回香港遊玩,而可以敍會真的光陰似箭」,相中除咗有黃杏秀同梁碧玲外,仲有都係第四期藝訓班嘅李國麟、監製潘嘉德、黃建勳㖭!雖然黃杏秀話光陰似箭,但佢哋臉上就冇乜歲月痕跡,保養得唔錯喎!

更多娛聞,喺晒《娛果》

http://fb.com/appledailyent

【minigame】2017瘋暈人物 返工打機唔使擇日

http://bit.ly/2CeWQkP

黃杏秀今日喺微博貼咗同梁碧玲食飯嘅相。(資料圖片/微博圖片) 移居外地多年嘅梁碧玲,最近返香港旅遊,約咗以往第四期藝員訓練班嘅同學食飯。(微博圖片) (微博圖片)
(微博圖片) 梁碧玲由《香港八一》演到《香港八六》,劇中蘇小姐一角深入民心。(資料圖片) (資料圖片)
(資料圖片)

鍾意就快D Share啦!