掃呢頁CODE去手機

2018年1月4日 星期四

D奶變密實袋 袁嘉敏洗盡鉛華 [壹週刊 - 1452] __,袁嘉敏,M1,

以密實OLlook現身中環甲級寫字樓嘅袁嘉敏,雖然有兩個猛男同行,但似乎話題唔多啱,全程都無乜心機,搭唔到嘴!同你吟一吟D奶變密實袋 袁嘉敏洗盡鉛華喺 ...






以密實 OL look現身中環甲級寫字樓嘅袁嘉敏,雖然有兩個猛男同行,但似乎話題唔多啱,全程都無乜心機,搭唔到嘴!

同你吟一吟

D奶變密實袋 袁嘉敏洗盡鉛華

喺三級片《鴨王》全裸演出嘅袁嘉敏,從此少布多肉成為佢嘅性感 icon。今年中佢推出半裸性感寫真時就暗示過,喺娛圈發展再冇起色,就考慮洗盡鉛華轉行做 OL。







33歲嘅袁嘉敏,係 09年最上鏡小姐, 15年全裸拍《鴨王》,都只係一剎那光輝。





15年同有米老外拍拖,兩個喺淺水灣撐枱腳時啜唔停。不過熱戀過後,因為頂唔順老外男友啲少爺脾氣,半年貨仔玩完。





究竟係返新工有壓力?還是密實打扮令佢變得咁 cool?袁嘉敏等期間露咗一下笑容之後,又回復 cool樣。

呢日八珍見佢同兩個高大猛男現身中環,袁嘉敏罕有多布少肉,由頸包到落腳,密實袋一樣。若果佢已經靜悄悄咁轉行做 OL,呢個密實洗底 look,就真係無可厚非。

孖住兩個男人行嘅佢,全程無乜心機,之後跟其中一個光頭男士返上中環寫字樓,等期間,唔知呢位光頭男士講咗啲乜,終於博到袁嘉敏一笑!





喺娛圈時,佢副 D奶經常橫行。今年自資出嘅半裸寫真,亦係佢性感告別作。





身邊唔缺兵嘅佢, 16年同金融猛人謝昭平約會,有露臂冇袒胸。





今年佢同黎諾懿五億美容王國嘅大舅撐枱腳睇日落,被本刊撞破後,據聞呢位已婚大舅即斬纜交往。

撰文:八珍 

攝影:李玄


鍾意就快D Share啦!