特朗普當阿仙奴波衫係垃圾。（互聯網圖片）
即睇特朗普無禮掟衫：http://bit.ly/2rOjpv4
近日著名阿仙奴球迷、英國「反雲」名記Piers Morgan，有機會訪問美國總統特朗普，乘機講到愛隊兵工廠。Piers搞鬼地向特朗普提出，希望佢代替雲格帶領阿仙奴，但呢個話題明顯惹唔起侵侵興趣，首先話自己絕對唔係兵工廠粉絲，反而提及曼聯；最尷尬係訪問結尾時，Piers送件槍手波衫畀侵侵，後者竟然即時向鏡頭外掟走，過程勁唔尊重，令到廠粉勁嬲！
Piers今次採訪特朗普，講完國家大事後，佢就開始將話題轉向阿仙奴。呢名Die Hard廠粉，誠邀特朗普考慮代替雲格教阿仙奴，因為兵工廠需要一個識防守嘅主帥，而且又會傾盡所有，去奪取獎項嘅領袖。之後Piers向特朗普展示一件45號阿仙奴波衫（45代表侵侵係美國第45任總統），後者只禮貌咁講：「件衫好靚，我個仔都鍾意呢項運動。」Piers問其子係咪阿仙奴球迷，侵侵只話足球喺美國發展迅速。
Piers再問特朗普係咪廠粉，侵侵直接表示唔係，Piers知道後好失望，叫侵侵唔好粉碎佢夢想，侵侵仲話：「我有個朋友係曼聯老細。」Piers於節目結束前送出阿仙奴波衫，特朗普一拎上手，就即刻向鏡頭外掟走件衫，搞到Piers勁尷尬。
節目播出之後，阿仙奴球迷唔單只嬲特朗普，反駁寧願要莫連奴教，都唔想侵侵掂佢哋愛隊；仲將矛頭直指Piers，話佢唔知衰，無啦啦搞到阿仙奴跌入尷尬局面，仲話唔知阿仙奴做錯啲乜，竟然要受呢啲侮辱。
即上英超刨績王：http://win.on.cc/epl
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
