掃呢頁CODE去手機

2018年1月7日 星期日

失手走光!JW處女紅館騷寒天搏命玩濕身 __,JW,

第一次特別緊張係會易啲失手。歌手王灝兒(JW)首次在紅館舉行個人演唱會,獲男友Tarzan、何超蓮、林奕匡等人到場支持。台前延伸舞台有一個正方形盒子, ...


第一次特別緊張係會易啲失手。


歌手王灝兒(JW)首次在紅館舉行個人演唱會,獲男友Tarzan、何超蓮、林奕匡等人到場支持。台前延伸舞台有一個正方形盒子,甫開騷盒子升到半空中,原來身穿黃色露肩晚裝的JW就企在盒子中,唱出《太空人》掀開序幕,期間盒子更在半空中稍微左右搖擺,之後JW就從盒子中破繭而出,其後降落地面,唱出《自由飛翔》後跟大家打招呼:「大家好!真係好開心企喺呢個舞台上,係我第一次紅館演唱會,因為呢個係我嘅第一次,所以我呢世都會記得,會記得你哋全部人,希望你哋會同我一樣enjoy今晚。」

濕身玩雜耍

赤腳上陣換上肉色雪紡長裙的JW,與一班Dancers展舞技兼玩雜耍,期間數名男舞蹈員打橫拋起JW再接住佢,其後台上更停灑水營造落雨效果,雖然天氣轉冷,全身濕透的JW面不改色無懼寒意繼續演出,她更站在鋼琴上落力獻唱,獲全場拍手讚好!

男友唔識畀反應

換上吊帶格仔裙的JW,在台上多謝前老闆黎明(Leon):「多謝Leon,冇佢我冇得入行,教咗我好多嘢,亦多謝新老闆,冇佢我都唔可以嚟紅館,亦多謝由第一首歌《掛念好友》就支持我嘅朋友。」之後JW更跳落台與前排觀眾握手,而男友就坐正第一行最近台邊的位置,JW一跳落台就與男友握手,但男友卻好似冇反應,JW即笑言:「握手啦。」

大意走光

雖然演唱會只得一場,但服裝上絕不慳皮,JW再換上黑白斜膊露腿晚裝出場,獻唱期間整理長裙時,JW動作太大一度走光露出黑底,不過她未有察覺繼續表示:「今晚好開心,要多謝公司,今次係得1場,但個製作好似有10場咁,頭先啲水我好凍㗎,大家要畀多啲掌聲!」去到尾段,歌迷齊齊開手機營造一片燈海,JW即時感動到落淚,更一度唱不下去,她邊抹淚邊表示:「見到啲燈好靚,冇諗過我可以喺紅館開演唱會,冇諗過大家會畀錢入嚟聽我唱歌,多謝大家!好感動,今日係第一場,亦係最後一場,我有咩都已經畀晒你哋,希望你哋鍾意!」換上全白入膊連身闊褲的JW,唱出新歌《維多利亞》及唱出最後一首歌《安全感》後表示:「希望之後仲有機會喺度見面,下次見!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!