掃呢頁CODE去手機

2018年1月1日 星期一

【心穎話Timing差啲】仲想了解幾耐?馬明尷尬唔識反應… __,馬明,黃心穎,心穎,馬國明,

除夕倒數,好似係俾情侶嘅節日嚟。馬國明同黃心穎噚晚喺馬鞍山出席商場嘅迎新年活動,呢次係佢哋第一次情侶檔出騷,馬明話好pay啲啲。心穎噚日喺《勁歌》總選 ...




除夕倒數,好似係俾情侶嘅節日嚟。

馬國明同黃心穎噚晚喺馬鞍山出席商場嘅迎新年活動,呢次係佢哋第一次情侶檔出騷,馬明話好pay啲啲。心穎噚日喺《勁歌》總選扮韓團唱歌,咁今日呢?佢話唔會同馬明合唱,幾時有機會?黃心穎話:「有機會再合唱都可以,不過要收貴啲。下年啦。」

講到明下年有機會合唱,即係對呢段關係好有信心啦?黃心穎先係話做拍檔搵錢,但馬明就接力:「下年一定得,因為喺《宮心計》係一對。」佢哋話係仲了解中,睇咗咁多次戲仲係了解中,馬明話睇戲時冇了解冇拖手。

之前有報道話兩人分咗手但要扮冇事,馬明話要問番番寫個個,不過由兩人傳緋聞開始,已經係了解中,馬明究竟有冇問過心穎俾你俾了解㗎?呢個時候馬明就尷尬:「我冇開過喎。」心穎就馬明仲差少少,差咩呢?心穎就解釋:「欠缺啱嘅Timing。」

以為咁答好危呢?又唔係喎,心穎其實有派定心丸嘅,佢話之後要開劇,中間又有啲job,不過有時間係可以夾去旅行,佢又話唔覺有追求者:「自從有佢(馬明)新聞之後都冇,都想知邊個咁有膽!」

之後心穎喺台上唱《至少還有你》,不過入錯歌兩次,第二次都唱唔到嘅時候,心穎尷尬同觀眾講sorry,主持余宜發即出場幫手打圓場,喺心穎重唱期間,馬明喺台邊精神上好sweet咁支持,到第三次重唱終於無事,仲唱得唔錯添。

【minigame】2017瘋暈人物 返工打機唔使擇日

http://bit.ly/2CeWQkP

更多娛聞,喺晒《娛果》

http://fb.com/appledailyent

攝影:陳俊強 兩人首次情侶檔出騷,一齊受訪係開心嘅。



睇心穎咁多表情,就知佢都好enjoy。

心穎話馬明唔啱timming喎……





黃心穎前日喺《勁歌》扮女團又跳又唱,今日獨唱就入得唔準。

馬明喺台邊精神上好sweet咁支持。




鍾意就快D Share啦!