掃呢頁CODE去手機

2018年2月9日 星期五

零下10度通宵拍外景 梁朝偉要求加人工 __,梁朝偉,朝偉,

梁朝偉拍賀歲片陪大家過年。影帝梁朝偉(偉仔)已有一段時間沒接拍賀歲電影,他今次拍電影《捉妖記2》陪大家過年。留港度歲的他抽空接受訪問,大談拍攝過程的喜 ...


梁朝偉拍賀歲片陪大家過年。


影帝梁朝偉(偉仔)已有一段時間沒接拍賀歲電影,他今次拍電影《捉妖記2》陪大家過年。留港度歲的他抽空接受訪問,大談拍攝過程的喜與樂。他透露於上海觀賞該片的第一集時,已令他有童年時睇卡通片的感覺,再加上一直欣賞有份演出的內地女星白百何,故最終答應演出。

做自己自言自語

開拍兩星期,北京氣溫低至零下10多度,偉仔要應付兩星期的外景通宵戲份,苦不堪言。他坦言:「嗰時仲係聖誕節,幾難頂,不過除咗天氣,其他都好開心,冇諗過35年前做兒童節目,35年後可以拍畀細路仔睇嘅戲,都幾得意。(之後拍多啲喜劇?)唔知呀,都鍾意喜劇,但係最近連續拍咗三部,係時候要休息吓,同埋都想多啲時間陪屋企人,陪媽媽四圍去玩同食嘢,但都冇得休息太耐,因為老闆想拍一個外傳,期都度埋。」

偉仔於片中與精靈老友鬼鬼,但拍攝時卻要對住空氣演出,問到會否感困難?他坦言埋位前要多加想像:「要諗埋精靈嘅表情係點,平時做戲睇對手表情做反應,但今次望住空氣點反應呢?所以下次要老闆要加人工,做多啲功課喎!戲入面同『笨笨』係好兄弟,有同導演講可唔可以攬佢,佢話好難畫,我就想有身體接觸囉。(拍完套戲會自言自語?)我平時都係咁,做番自己。」

年紀愈大愈幽默

對於太太劉嘉玲曾表示喜劇會令人變得開心,更指演技比老公更好,偉仔對此笑稱:「佢批評我多啲,其實都係畀意見指教吓,不過其實每個演員都有自己Style,好難去比較。(邊個搞笑啲?)我囉!唔知係咪年齡關係,覺得好多嘢唔使太認真,可以幽默吓,好似返去小朋友咁傻氣啲。以前我嚴肅啲,慢慢去到某階段就會改變。(嘉玲鍾意邊方面?)兩樣都鍾意,當然要喺嚴肅中帶少少幽默。」

----------------------------

東網巨星開咗ig喇,大家快啲follow

https://goo.gl/KGuo2N 


來源 source: http://hk.on.cc
鍾意就快D Share啦!