掃呢頁CODE去手機

2018年2月1日 星期四

同酒樓太子女分手吳浩康街頭爆喊 [壹週刊 - 1456] __,浩康,吳浩康,M1,

本週一,憔悴的Deep被問到與女友Michelle分手一事,他強顏歡笑說:「我哋需要啲空間。」探熱針同酒樓太子女分手吳浩康街頭爆喊昔日因夜蒲屢「闖禍」 ...






本週一,憔悴的 Deep被問到與女友 Michelle分手一事,他強顏歡笑說:「我哋需要啲空間。」

探熱針

同酒樓太子女分手吳浩康街頭爆喊

昔日因夜蒲屢「闖禍」,事業跌至谷底的吳浩康( Deep),經過兩年修心養性,努力工作,終從谷底走出來,上月開兩場個唱爆滿,贏盡掌聲。

33歲事業翻身,但與前海城酒樓夜總會太子女女友 Michelle卻情海翻波。據了解,與女友剛分手的吳浩康,被發現不堪失戀打擊在街頭爆喊。事後求證他分手一事,吳浩康強顏歡笑:我哋需要啲空間。

酒吧喪喊友人接走

經過兩年努力,入行十五年的 Deep(吳浩康),去年底終於翻身在九展開處男個唱,叫好叫座。當晚現任女友 Michelle到場打氣,重拾事業的他更激動至五度爆喊,又開腔多謝女友,在過去一年陪他走每一步艱辛的路。

但據了解,撐男友的 sweet純屬表面,開個唱時暴瘦又嚎哭的 Deep正受情困,跟女友 Michelle處於分手邊緣,近月二人終正式分開。有網友爆料,指上週在中環街頭見 Deep爆喊,之後登上友人車離開。有指往績底花的他,今鋪終嘗情傷,更不時打給朋友哭訴,數星期前,他在上環酒吧獨自飲悶酒爆喊,最後要友人趕到酒吧將他接走。





上週有網友發現 Deep在中環街頭與友人講兩句唔夠就喪喊。





上週四( 25/1),本刊發現 Deep在女友 Michelle寓所出現,但一臉愁爆離開。個多小時後, Michelle返 ViuTV開工。





近日 Deep在 Ig暗示失戀心情。其中一張在女友寓所樓下,寫着:「放不下。」

現身個唱冇彎轉

「上個月開演唱會時,佢同 Michelle成日吵大鑊,搞到 Deep情緒好大上落,啲朋友都驚影響個唱,好在佢撐得住。

之後兩個關係都冇好轉,吵咗幾次大鑊卒之分埋手,呢排啲 friend成日收到 Deep爆喊電話, Ronnie(張豪龍)成日陪佢傾偈。」知情者說。

自一五年 Deep因偷食,背負舊愛鍾舒漫而分手收場,錯失最佳女友的他痛定思痛,前年與有美國華埠小姐銜頭的 Michelle拍拖後,決定修心養性,認真對待感情。面對學歷高的女友, Deep亦發力做嘢,專心搞好音樂學校、又兼顧為皇馬在港建立籃球及足球青訓的市場營運。





去年初本刊發現 Deep拖住女友,與家人到鯉魚門食飯。





出出入入他都將 27歲女友攬到實,呵護備至。





跌過落谷底,入行 15年的 Deep上月開處男個唱,攬住專誠撐他的老闆楊受成感動嚎哭,有指公司已為他入紙申請明年紅館開騷。





當日女友現身個唱為他打氣,但一個月後二人就分手收場。

放唔低頹爆





現年廿七歲的吳浩康女友 Michelle(李昭南),是前海城酒樓夜總會的太子女,有樣有身材的她曾於 16年參選全美華埠小姐,得第二公主名銜。近日簽給 ViuTV,唱得的她在 fb定期開 live唱歌,有唔少宅男粉絲。

洗心革面學識專一,但女友身邊卻有兵團包圍,有指二人經常為此吵架,成分手導火線。日前失戀的 Deep在 Ig post了一張在女友寓所下的相片,寫着:「放不下。」 hastag打上「隨傳隨到」。上週四中午,本刊發現 Deep在 Michelle寓所,一臉頹樣離開。至於 Michelle在 Ig寫了一段文,意思是「妒忌會變成破壞力,有害、令人亂想,我希望每個人能有信心及獨立面對自己的不安感…..我暫時不會現身做甚麼,但我欠每個被打擾的人,一個私下的道歉。」不過未幾,她便把該文刪除。

知情者續說:「過往鋪鋪都係 Deep衰偷食,但今次佢對 Michelle好認真,所以年幾以嚟修心養性,不過佢終於想 settle down,唔等於人哋都想,畢竟女友只得廿七歲。分咗手 Deep又唔捨得,試過想挽救坐埋再傾,但永遠都係吵大鑊收場。」

吳:佢值得我去認真





一月二十九日, Michelle在 Ig post出一段文字,像暗示感情糾紛,但好快又刪除。

本週一(一月二十九日),記者等候 Deep,被問是否跟 Michelle已分手,他聞言即強顏歡笑,婉轉回應:「我哋需要空間。」問到分手原因,對方有否涉及第三者,他停頓兩秒才說:「冇!」

對於近日被人發現在街頭喪喊,是否因為失戀,聞言後的他沒有回應,但被問到對這段感情是否好認真,他即說:「佢絕對值得我認真。」之後有工作人員擋開記者,讓他甩身離開。

女友 Michelle:

呢年幾好感激

佢咁錫我

致電問 Michelle與男友 Deep分手一事,她承認:「我哋喺一月分咗手。(係咩原因?)呢個係我哋兩個嘅事,唔想交待。不過我好感激呢年幾佢確實好鍚我,對我好忠誠,佢屋企人亦都對我好好,直頭依家我哋都仲有聯絡。(咁點解要分手?)唔想公開交待。

曾跟視后胡定欣、拿督女莊思敏及模唐紫睿拍拖。不過 15年與處女歌手鍾舒漫拍拖,因被揭偷食而失去這位最佳女友。





胡定欣





鍾舒漫





唐紫睿





莊思敏

撰文、攝影:娛樂組


鍾意就快D Share啦!