網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月1日 星期四

爆周慧敏胸的秘密古巨基:倪震之外我睇得最多 [壹週刊 - 1456] __,倪震,古巨基,周慧敏,M1,

多年來都保持住「玉女掌門人」靚樣,呢條公主裙,唔係人人都可以駕馭到。探熱針爆周慧敏胸的秘密古巨基:倪震之外我睇得最多「玉女掌門人」周慧敏一連四場「三十 ...






多年來都保持住「玉女掌門人」靚樣,呢條公主裙,唔係人人都可以駕馭到。

探熱針

爆周慧敏胸的秘密古巨基:倪震之外我睇得最多

「玉女掌門人」周慧敏一連四場「三十周年演唱會」在大獲好評下圓滿結束,雖然今年已經五十歲,但係 Vivian依然 keep住靚樣同好身材,就算相隔廿幾年再著宮廷裝都仲咁有睇頭。

宮廷裝可以重現,全靠今次演唱會總監古巨基幫大家謀福利,游說 Vivian再著一次,大家先可以咁有眼福,而且基仔幫 Vivian做今次演唱會,除咗一蚊酬勞都無收過之外,仲將自己其中一場大陸巡迴演唱會改期,又推了多個大陸商演,唔肯離開半步要到實,緊張過自己開騷。







呢件膠裙足足重四十磅,體重得番九十九磅的 Vivian話每晚好似抱住個仔咁。





Vivian原來同黃凱芹失去聯絡好幾年,但每逢緊急關頭,佢都會出現。





今次演唱會落重本,一開場 Vivian企喺天空之城,又有對巨型天使翼,樣樣道具都用唔少錢。

撥走事業線

古巨基除了做演唱會總監之外,當然唔少得要做嘉賓,同周慧敏合唱《真愛在明天》、《流言》及《情未了》等經典合唱歌,之後更喺台上爆料,仲講到 Vivian個胸。

「我估我係繼倪震之後,能夠睇到靚女(周慧敏)身材每一寸肌膚最大面積嘅人。通常一般女星著宮廷裝、晚裝,都會夾胸唧出嚟,但係佢換完出嚟係將條事業線撥開,仲話:『好肉酸嘅!』我心諗一條事業線有幾肉酸呀?如果你有三條事業線就話驚啫。」基仔說。

跟住基仔又話睇 Vivian換衫,搞到好尷尬,因為其中一條裙,需要喺 Vivian身上畫上閃石分布位置, Vivian話因為著住衫,唔覺得冇乜嘢問題,但係基仔好尷尬唔敢畫。基仔表示:「因為攞住支筆篤落周慧敏個胸度,係好怪,我落唔到手。」





向來甚少跳舞的 Vivian今次大跳百老匯式歌舞,當中更要有性感元素, Vivian對白滑長腿真係無得輸。





基仔喺台上爆料,搞到 Vivian大笑到要踎喺地下。

唔敢篤胸

又有一次周慧敏喺更衣室,淨係著住件馬甲內衣,跟住叫基仔入去睇佢身形狀況方便設計衫,點知基仔又係唔敢睇, Vivian話:「因為基仔做事太仔細,少少嘢唔滿意都要改,為咗唔想啲衫要改十次,惟有『犧牲』我自己叫基仔入嚟睇清楚,但係佢始終唔敢睇。」不過事後基仔就話足足後悔咗十日咁話。





《美少女》經典變身動作。





宮廷裝係 Vivian經典造型,今次演唱會點少得呢個集體回憶。





Vivian率領王馨平及湯寶如,重演《美少女戰士》,是全晚高潮之一。

無酬勞收

今次演唱會無論舞台,視覺效果同服裝都俾人大讚目不暇給,絕對是揼本之作,而 Vivian為了要做到心目中最理想的個唱,更將四場歌酬,全部掟晒落去做製作費,她表示:「趁自己仲有能力,想為支持自己嘅朋友表演,想大家睇得開心。」





演唱會上都有播出 Vivian同倪震結婚相。





Vivian坐喺天鵝上唱歌,加埋台上 CG效果,好有意境。





雖然 Vivian唔鍾意露事業線,但有啲嘢點遮都遮唔住。

撰文、攝影:娛樂組 


鍾意就快D Share啦!