網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月15日 星期四

廚房起火煮團年菜互窒 李亞男要王祖藍彈開 [壹週刊 - 1458 - 生活] __,祖藍,李亞男,王祖藍,M1,

為老公學整團年菜嘅李亞男功架特別,拎住祖藍送俾佢嘅煎pan當盾牌擋油,巧趣致。探熱針廚房起火煮團年菜互窒 李亞男要王祖藍彈開踏入狗年新正頭,忙到爆的王 ...






為老公學整團年菜嘅李亞男功架特別,拎住祖藍送俾佢嘅煎 pan當盾牌擋油,巧趣致。

探熱針

廚房起火煮團年菜互窒 李亞男要王祖藍彈開

踏入狗年新正頭,忙到爆的王祖藍終於收爐抖一抖,陪老婆去拜年,李亞男亦入廚學整幾咪團年菜慰夫。

兩公婆玩煮飯仔,火花四濺,互窒原來都係夫妻情趣。「廚房起火」後,轉過頭兩公婆又回復恩愛,恨生 B的李亞男更祝老公三年抱兩,睇嚟狗年王祖藍要再發力搵奶粉錢。

廚房係祖藍禁地

自去年老婆李亞男突然爆發驚恐症,抽晒筋兼呼吸困難入院,愛妻號的王祖藍決心減產,以時間作為給老婆最好的禮物。老公多咗食住家飯,李亞男亦努力鑽研廚藝。去年中秋她下廚成功,煮出一圍菜式招呼親朋後,今年她決定親手炮製團年飯,讓老公團年食好西。見祖藍成日笑佢多「蝦碌」,李亞男向雲來軒大廚保哥學師整一味「美極蝦碌」俾另一半歎。

估唔到兩公婆在廚房火花四濺,祖藍在旁監工,教老婆跟足大廚方法落鑊,李亞男會大嗌:「好大壓力!」原來平日在家玩煮飯仔,李亞男會下驅趕令,嚴禁祖藍埋身。

她說:「我叫佢千祈唔好入嚟,我要佢彈開。(祖藍:廚房係我禁地。)因為佢太高大威猛,佢好阻定,佢嘅存在會令我好緊張。」呢個時候,祖藍已自動彈開幾步。





點解祖藍笑到拍晒手,因為老婆轉碟時忘記熄火,個鑊燶咗。





李亞男跟大廚黃亞保學煮「美極蝦碌」,一學即曉,林欣彤跟細細粒校啱時間到場,有口福。





祖藍:「去到呢個時候,係咪要學《都市閒情》啲人講:『聞到好香嘞!』」老婆李亞男神回應:「你係寸緊我!」





為鎖住老公個胃,李亞男近年努力鑽研廚藝,上堂學煮中餐,又跟阮兆祥女友學整考功夫的馬來西亞麵, Ig經常甫上她為老公招呼親朋的撚手菜。

快轉數窒老公

「蝦碌」煎製中,祖藍主持人上身:「去到呢個時候,《都市閒情》嘅人一定會講:『依家開始聞到香味!』。」李亞男神回應:「我知你係寸緊我。」

「我係寸緊《都市閒情》,唔香,唔通係臭咩!」祖藍說。

李亞男九秒九反擊,寸祖藍爛 gag:「哈哈,好笑呀!好笑呀!」被祖藍訓練有素,李亞男的轉數竟有光纖速度。

「美極蝦碌」大功告成,但李亞男上碟時聞到一陣燶味,大廚保哥發現原來是她忘了熄火,祖藍不禁失笑:「哈哈,真係蝦蝦大笑。」





兩公婆夫唱婦隨,李亞男不時跟祖藍北上出席掘金活動。





今年老闆王祖藍封開工利是究竟有幾大封,雖然賣曬關子,但就去年往績估計,佢哋話五位數字走唔甩。





祖藍最靚整本地小食,其中有生菜魚肉,佢話老婆就算唔識欣賞,都會扮食,唔想浪費佢一番心機。呢個老婆真係唔話得!





李亞男手拿老公祖藍送給她最滿意的小禮物煎 pan影相,婚後的李亞男都變得識搞笑。

祖藍煮嘢老婆硬啃

兩公婆互寸只係生活情趣。錫老婆的祖藍,除送過億豪宅,亦不時買小禮物氹另一半。下廚當日,李亞男手執當盾牌防煎炸油彈的煎 pan,是老公送給她最合心水的禮物。只要有空,祖藍也會為老婆下廚。「我會煮土炮嘢,例如生菜魚肉、芒果布甸等。」老婆對他廚藝有何評價?「佢全部唔食,但又會扮食,其實佢唔鍾意食呢啲。」係愛呀!

煮好餸,呢個時候兩位食神,祖藍旗下的藝人細細粒(陳嘉佳)同林欣彤準時到場,一嘗老闆娘手勢,兼藉勢關心今年公司團拜有幾多現金大抽獎。祖藍派定心丸,話保證有六位數字獎金獎品,每圍都有現金獎拎走。

李亞男忽然說出神句:「祝我老公三年抱兩,心想事成。」

王祖藍:「咁唔該佢哋(細細粒同林欣彤)今年幫公司搵多啲錢,唔搵多啲我點生。」





去年抑鬱病康復,正式復工的林欣彤,拍老闆祖藍策劃的大台劇《老表 3》,又演舞台劇及推出新歌,總算復出豐收。





今年中港合資的賀歲片《捉妖記》,細細粒都有份演出,總算成功開拓內地市場。近日她亦被祖藍力捧為內地一套網上電影的女一。





感情未有著落的細細粒,因跟助手經常孖咇而傳過緋聞,佢話:「我識佢另一半㗎。」

林欣彤新年求猛男





出道時與羅孝勇拍拖,之後跟初戀翻撻,又跟補習天王男友相戀過,今年林欣彤希望遇到真命天子。

過去日子患過抑鬱,搞到一度失聲暴瘦的林欣彤,去年逐步康復,歸王祖藍旗下重新投入工作。新正頭佢有兩個願望,首選當然係身體健康。「真係深刻體會冇健康就乜都進行唔到。愈大愈發現,身體係要好好珍惜。」

重捨健康,去年推出新歌,在樂壇重新出發,她感激老闆王祖藍的信任。「感激佢俾我好大自由度,我變咗做指揮,事業就係自己盤生意,上年接咗廣告,做舞台劇同拍劇,今年希望再搵多啲錢,如果唔係點對得住老闆。」林欣彤說。

另一新年願望,如手上「身體健康」揮春一樣,有猛男護身。「呢個時常都想有(拍拖),而家未有,惟有自己強壯啲先,不過緣分唔係你有幾努力,或者係唔係我未夠好,搞到遇唔上真命天子。而係要一切配合 perfect,預備好自己,就會遇上。」

細細粒開價拍寫真





見泳衣相有反應,細細粒為自己寫真集開價,睇吓有冇人夠膽投資。

二百磅的細細粒,新年願望唔係瘦身,係出寫真。最近吃少了甜品,自覺輕盈咗(實質冇上磅)的她,動力並非源於搵男友。「成日俾人影到我助手,當係我男友,佢女朋友我都識㗎。早排有同學聚會,見番一班男同學,好多都未結婚,不過飯局後冇一個可以有下文。」

細細粒曾在 ig放過泳衣相,重口味拍得住「女神」欣宜,有生意頭腦的她,決定在新正頭為處女寫真開價。「我露全背係好震撼,因為好少露背做到呢種效果(她用手勢畫上葫蘆形),有啲嘢睇喜好,有啲人鍾意睇稀有珍貴嘅背脊品種。我開價,露全背三千(萬)、見埋股四千(萬),哈哈!」

見細細粒獅子開大口,林欣彤忍唔住插嘴:「呢啲我去頒獎禮做過晒,係唔會有二千三千四千俾我。」新正頭,細細粒妙想天開,大家開心。

撰文:娛樂組 攝影:葉志明、黃志明

場地:裕生海味_iBuddies 鳴謝:雲來軒

王祖藍:髮型: Ted Yeung@ i i Alchemy hair& nail

化妝: K.T. Tsui  Styling: Dicky Lee 服裝: Oplus2

李亞男:髮型: Ted Yeung@ i i Alchemy hair& nail

化妝: K.T. Tsui 服裝: kate spade new york 鞋: ETRO

首飾: Atelier Swarovski

林欣彤:髮型: Jim Tse@Hair corner


鍾意就快D Share啦!