網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月15日 星期四

辟邪定追仔,楊娜擺風水葫蘆陣過年 [壹週刊 - 1458 - 生活] __,M1,

楊娜啲母愛,從佢呢個溫馨動作就睇得出平日花幾多時間喺親子上。探熱針辟邪定追仔,楊娜擺風水葫蘆陣過年楊怡嘅家姐楊娜(藝名:楊卓娜),係大台靚媽之一,又係 ...






楊娜啲母愛,從佢呢個溫馨動作就睇得出平日花幾多時間喺親子上。

探熱針

辟邪定追仔,楊娜擺風水葫蘆陣過年

楊怡嘅家姐楊娜(藝名:楊卓娜),係大台靚媽之一,又係圈中有愛心嘅好繼母, 09年同燈箱大王楊志翹結婚兼生埋囡囡楊舒然。就快農曆新年,喺年廿幾呢啲日子,作為阿媽嘅佢梗係忙辦年貨。

八珍見佢最緊張唔係買花買桔,而係風水葫蘆。呢日佢拖埋八歲囡囡舒然逛花墟,先去附近食個特價午餐醫肚,之後到一間花鋪,咁多新年靚擺設睇唔上眼,偏偏對葫蘆情有獨鍾,對住成抽逐個細心揀。嗱,葫蘆除咗寓意福祿,相傳仲可以辟邪同祝多子多孫。

四十歲又身為三個女嘅阿媽(兩個大女係楊志翹同前妻所生),楊娜係咪想標尾會,幫老公追個仔,還是葫蘆陣辟邪,為家人求平安?抑或統統都係八珍諗多咗,買個葫蘆,做新年裝飾啫!







阿女幫手拎住袋風水葫蘆,咁聽話,楊娜果然教女有方。





花墟同人逼,又對住抽風水葫蘆左揀右揀,楊娜似乎對呢個新年擺陣好緊張。





究竟咩葫蘆賣咩藥,買嚟想得到啲咩,真係只有佢先知。

葫蘆有咩寓意

民間相傳,有人視葫蘆係吉祥物,與「福祿」諧音,以及佢係一種延綿伸展嘅蔓藤植物,所以視為「多子多孫」、「長久不絕」嘅隱喻。自古有人鍾意將佢掛喺門口,認為可以驅邪保平安。







去花墟入貨前,楊娜睇中一間餐廳嘅特價午餐醫肚,但阿女唔啱食,一手拉阿媽走。不過最後楊娜都說服阿女幫襯呢間。





錫親生女,楊娜對兩個繼女亦視如己出。呢對同父異母嘅姊妹,感情好好。





09年嫁俾「燈箱大王」楊志翹,婚後唔做少奶奶,繼續喺大台做女配拍劇。

撰文:八珍

攝影:陳亦龍


鍾意就快D Share啦!