網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月22日 星期四

港律師變杜拜樓專家三百萬做油王鄰居 [壹週刊 - 1459 - 財經] __,M1,

棕櫚島是當地投資熱點之一,梅律師直言:「好多國內投資者係一間一間掃,因為嗰區賣出一間就少一間。」樓市熱葷港律師變杜拜樓專家三百萬做油王鄰居2017年國 ...






棕櫚島是當地投資熱點之一,梅律師直言:「好多國內投資者係一間一間掃,因為嗰區賣出一間就少一間。」

樓市熱葷

港律師變杜拜樓專家三百萬做油王鄰居

2017年國際樓價負擔能力報告顯示,香港連續八年登上樓價最難負擔城市之首,不吃不喝接近二十年才能買得起一個物業。香港置業無望,在杜拜置業,發一發「油王夢」,原來反而更「貼地」。

在香港執業多年的律師梅智傑,因杜拜與香港同樣實行《普通法》,現時主要打理中東及香港的法律事務,還兼任中東業務人協會主席。他在數年前開始接觸當地物業,更在棕櫚島購入別墅,在當地過着奢華生活。

與油王做鄰居?睇落「堅離地」,原來當地樓價比香港平一大截,梅律師指:「平均好嘅區,以呎價嚟講,依家嚟講都係二千幾、三千幾蚊港紙,你話豪華啲,五星級裝修就貴少少,但都係四五千蚊!」他更指出,於當地購買跑車及遊艇,比香港平近半:「喺香港根本買唔到!」

經常香港杜拜兩邊走的梅律師,平均一個月就會到當地一次,更在當地居住了數年,對當地民生都相當熟悉:「依家當地發展『一帶一路』,尤其是呢一兩年,一啲大型國企就更加想沾手,希望成立中東分區總部,除咗話國策之外,仲可以獲得免稅資格。」

由於杜拜地理位置問題,它是阿拉伯聯合酋長國中石油儲量最少的地區之一,而近年更幾乎開採殆盡,所以當地政府大力吸引外資及發展旅遊業刺激經濟,不少政策都對投資者十分便利。梅律師續指:「杜拜同香港一樣,實行《普通法》。當地貨幣阿聯酋迪拉姆,同美元掛鈎,當地買樓唔使驚匯率風險,同埋依家買當地樓係唔使稅,又冇任何辣招,而且買咗幾時賣出都得。」置業成本主要徵收百分之四的釐印費及律師費:「一般嚟講,律師費最少五千美元,係比香港貴,如果物業情況比較複雜嘅話,有機會去到八千美元。」





梅律師指,不少香港及內地人因人生路不熟,置業時很容易發生問題,他建議找熟悉當地法律的香港律師辦理。





過去杜拜因石油價格下跌,令海外投資大幅減少,但隨着 2020年世博會快將來臨,加上政府大力發展基建,當地樓價終於有谷底回穩情況。

三百萬買千呎豪宅

梅律師補充,現時國內及香港人於當地置業後,多以放租為主,亦不愁沒有租客:「因為歐美所有大國都喺嗰邊有區域總部,大牌子,全都會有公司喺嗰邊,佢哋都要派人過去,好多時啲公司都唔會投資買樓,會揀租住。」杜拜以獨立屋及公寓為主,其中以公寓租金回報較為吸引:「因為需求都好大,最受歡迎就係無房、一房同兩房;無房嘅話,平均嚟講實用面積都有五六百呎,而一房都有七百呎至九百呎,而兩房就平均千二至千五呎。」他續稱,當地發展較好的地區,以呎價來說,「平均都係講緊二千幾三千蚊港紙,就算再豪華啲,五星級裝修,都只係四五千蚊。」換言之,一個一千呎的單位,以平均呎價三千元來說,都只是賣三百萬港元,反之,在香港要選擇一個相若價錢的上車盤,面積只有三百呎,都極其稀有,但要留意海外人士於當地銀行做按揭就比較困難,需要於當地經營生意及提供兩年的財務報表,相對複雜。

至於租金回報方面,梅律師表示較為平穩:「每年回報大約百分之六至十二,最重要係因為當地已經建好又放售嘅樓唔係太充裕,變咗租客選擇唔係太多。」他更指出,當地法律較為偏重業主:「嗰邊有個規矩,一般收一年租會一次過收兩張支票,即係你第一張支票,就已經收你半年租,第二張如果彈票,租客就要負上刑事責任,如果租客俾唔到租金的話,就要即刻離開,業主可以直接收番物業,唔似香港咁,又要頒令、又要上庭,搞一大輪先可以收番層樓。」





梅律師於當地購入不少名車,他坦言價錢雖比香港便宜不少,但維修費卻十分昂貴。





杜拜物業以公寓及獨立屋為主,其中公寓較易租出,而獨立屋不少設有泳池。

他指出,當地近年置業熱點集中在 Marina區:「因為鄰近海灘,嗰區有好多高樓大廈,配套各樣都非常好。無論飲食、消費、休閒,都集中喺嗰區。」而購買杜拜樓過程亦十分簡單:「首先你要搵一個你信得過嘅物業代理去提供盤源,決定買邊一個之後,就可以到香港嘅律師樓,或者飛過嗰邊,簽署相關嘅文件。有客唔飛去,直接喺香港睇完 video就買都見過。樓花嘅話,我哋就會做一個初步嘅風險評估,評估吓係唔係穩陣。其實依家都已經好少發展商話起起吓走咗佬。主要係擔心交樓期,可唔可以喺承諾嘅時間交到貨。」

隔山買牛 仍存風險

由於近年不少中國人考慮於當地置業,梅智傑都聽過不少置業陷阱:「聽過唔少就係,知你由中國嚟,有大把錢,當地人有機會因你對當地唔熟,就會被騙。」他聽過最多的,就是當地的地產代理建議買家不要找律師以節省成本:「當佢哋收錢之後,好多都逃之夭夭,呢個係最大問題。如果想追討,你根本人生路不熟。」

他坦言當地律師良莠不齊,以及當地缺乏有效的監管機制,就算找律師,如果不幸發現有問題,都很容易出現「幫自己人」的情況。他就建議置業最好還是找香港的律師:「最少你要追討都可以直接喺香港做,唔需要去到當地。」





杜拜多年來積極推動旅遊業,如世界最高建築之一哈利法塔、人工棕櫚島及帆船酒店等,吸引不少遊客。





這個以美國總統特朗普命名的別墅,位於杜拜近郊,最特別之處為其地庫設計,並非僭建,定能吸引各香港高官厚愛。

食得豬肉 

可著三點式





梅律師於杜拜的家中貫徹中東奢華風格,放置了不少大型擺設。

港人對杜拜觀感較為神秘,當中更存有不少誤解,「好多人都以為,我唔識講阿拉伯話點樣生活,實情係你唔識講英文反而生活唔到,因為當地人買嘢都要講英文,因為啲員工都只會講英文,大部分員工都係來自五湖四海。」他指曾在當地購入跑車:「香港賣五百萬,嗰邊一百萬就有交易,但最大問題係嗰邊嘅路唔係全部都係石屎地,好易入沙,修理費又貴又麻煩,最後都係賣咗!」至於不少人害怕誤犯當地宗教禁忌,他就指:「衣著最緊要唔好太暴露,你喺海灘著三點式都無問題,政府都容忍你喺酒店飲酒,超市都有專賣豬肉嘅 counter。但去到周邊國家,好似沙地阿拉伯就完全唔得,好似我老婆,四十幾度都要披厚紗,佢完全頂唔順嗌要走!」

杜拜置業看似十分簡單,移民又有冇得諗?梅律師表示:「基本上你喺當地投資二百二十萬港幣左右,就可以拎到一個居民簽證,簽證有效期為三年,買樓都計,仲可以帶埋直屬子女去。你唔犯法,唔違反逗留條件就會續簽。拎住呢個簽證,就可以開設銀行戶口、自由居住出入,以及申請駕駛執照。當地認可中國同香港考到嘅車牌,可以喺當地換證。」同中東油王做鄰居,似乎比在港置業更容易。

撰文:梁延宇

攝影:梁正平


鍾意就快D Share啦!