網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月22日 星期四

捱到五勞七傷強強詐型香香請假返加國交人 [壹週刊 - 1459 - 生活] __,香香,岑麗香,M1,

婚後太忙俾老公詐型,香香請足一個星期假陪老公返加國團年。探熱針捱到五勞七傷強強詐型香香請假返加國交人16年岑麗香突然閃嫁金融才俊Joshua(強強), ...






婚後太忙俾老公詐型,香香請足一個星期假陪老公返加國團年。

探熱針

捱到五勞七傷強強詐型香香請假返加國交人

16年岑麗香突然閃嫁金融才俊 Joshua(強強),做咗人妻一年有多,兩公婆一直心急想生 B,不過依然未有聲氣。

人哋就話嫁雞隨雞,不過強強就好體諒老婆,為咗香香放棄加國事業移居香港。升呢做人妻,香香嘅吸金力有增無減,劇接劇捱到五勞七傷,強強終於詐型。為咗安撫老公,今個農曆年香香請足七日假,陪老公返加國過年,做短暫賢妻。

老公詐型

婚後一直忙到冇停手,拍完《溏心風暴 3》,接住又開拍《果欄中的江湖大嫂》。香香劇接劇,仲要搞到五勞七傷,腰傷舊患惡化,難怪一向順得人嘅強強都詐型。

「唔只開劇,香香結婚之後又真係多咗好多 job,又廣告又出 function,咁香香覺得冇理由有錢唔搵,但 Joshua就唔想老婆咁操勞,同埋都結咗婚成年啦,都未有時間真正過吓二人世界。」香香身邊人透露。





香香一見到老公,即刻雞啄唔斷。





早上開完工的香香,匆匆忙忙趕到機場。





閘口人多,強強拖實香香入閘。





臨入閘,香香除低副超俾機場保安認樣。

細心拖實

老公有怨言,香香都即刻做番啲嘢!今個農曆新年,香香請足一個禮拜假,陪強強返加拿大交人。上週一(十二日),兩公婆現身機場準備出發。出發當日早上仍然要開工的香香,下晝三點半,急急腳跑住去 check in櫃位,原來強強一早已經 stand by,幫老婆辦好 check in手續。

本來面燶燶的香香,一見到老公即刻有番笑容,之後拿拿臨將行李寄艙。兩公婆一見面就開始雞啄唔斷,搞咗十五分鐘,準備入閘,香香原本一直跟住老公尾,但強強見閘口人多,驚老婆走失,細心拖實老婆。七日長假,強強真係要加把勁,隨時一擊即中!





拍《果欄中的江湖大嫂》,香香同黃浩然有嘴戲,香香仲話事前有同老公備案。





前排香香抽時間出席李亞男新書發布會,果然夠好姊妹!





婚後即開拍《溏心 3》,香香忙到無時間造人。

撰文:娛樂組 

攝影:楊紫、瀚鍾


鍾意就快D Share啦!