掃呢頁CODE去手機

2018年2月15日 星期四

【大家都累了】羅傑承提出離婚 梁芷珊挽救15年婚姻無果 __,羅傑承,梁芷珊,

(資料圖片)兩人於2002年2月13日在拉斯維加斯舉行婚禮。(資料圖片)一個係才女,一個係生意人。女方為咗另一半,由才女變女強人,羅傑承亦為對方改女方 ...




兩人於2002年2月13日在拉斯維加斯舉行婚禮。 (資料圖片)

一個係才女,一個係生意人。女方為咗另一半,由才女變女強人,羅傑承亦為對方改女方改變好多。劇情老土,但兩人卻不似童話王子公主咁樣、以後開開心心生活落去,而係離婚收場。

梁芷珊同羅傑承02年於情人節前夕結婚,兩人去年底離婚,據周刊報道稱,離婚係羅傑承提出。

報道指,兩人離婚原因,不涉第三者,主要係因為大家性格不合。羅傑承從商,工作狂一名,事事工作至上;梁芷珊較為感性,需要在工作同生活中找到平衡,但無論梁點樣做去迎合丈夫,仍然達唔到對方「要求」。

2013年,梁芷珊接受專訪時曾說:「我唔係叫女士埋沒自己性格,我只係勸大家顧慮別人感受。」

「人,有好多唔同面孔,面對唔同嘅角色,理應可以擺出唔同個性。如果兩個人冇共同話題,點樣相處得開心?」所以羅傑承無論搞足球或者養馬,梁芷珊都會努力去學,希望可以幫到手,但梁芷珊本身要應付嘅工作已經好多,包括兼顧女兒學業,致壓力極大。後來羅傑承安排個女去外國讀書,表面上解決咗其中一個問題,但佢同梁芷珊嘅根本問題已浮現。

周刊報道指,去年初羅傑承向梁芷珊提出離婚,之後梁芷珊亦全身而退,不再拈手羅傑承生意。

消息指,梁芷珊一直努力挽救婚姻,但至去年中大宅裝修,兩人正式分開,羅傑承先搬走,之後梁芷珊亦搬往四季,不過兩人離婚一事未有張揚,故一直等到去年底,好友發現夫婦倆絕少合體現身,一問之下羅傑承才承認,離婚原因是「大家都累了!」

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent


鍾意就快D Share啦!