掃呢頁CODE去手機

2018年2月26日 星期一

【閃耀人生女人心-琦琦篇(1)】任達華淺水灣食麥記追琦琦 __,閃耀人生女人心,琦琦,麥當勞,麥記,任達華,

任達華和琦琦是圈中出名恩愛的明星夫妻,今年更是兩人結婚20周年紀念。到底他們的愛情人生路是怎樣開始?身高180cm的琦琦,對華哥的第一印象又是怎樣?「 ...




任達華和琦琦是圈中出名恩愛的明星夫妻,今年更是兩人結婚20周年紀念。到底他們的愛情人生路是怎樣開始?身高180cm的琦琦,對華哥的第一印象又是怎樣?

「第一次見呢,嗰時係我拍咗叫人參加Miss Hong Kong嘅宣傳片,華哥就係做港姐主持。之後慶功宴,嗰次係第一次見佢。之後我哋一齊拍咗個皮草廣告,又一齊拍Cosmopolitan封面,都好有緣。」

至於琦琦當時對華哥的第一印象就是……高!「覺得呢個男仔好高,好gentleman,好好傾,同埋佢好鍾意攝影,我又有啲攝影師朋友,所以慶功宴一傾就傾咗幾個鐘頭。」

一談好投契,但未談出戀情,原來華哥一直暗中喜歡琦琦,但就是不敢表白,亦不敢追求。「佢後來同我講,佢第一次喺《明周》見到跨頁,係我著住牛仔褲、白恤衫,戴住頂帽,當時佢已經諗,『如果呢個女仔做我老婆就好喇!』,嗰時佢係唔識我嘅。」

兩人相識一年,還停留於朋友階段,直至兩人再次在維也納相聚:「有次我返咗維也納屋企,佢幫TVB去維也納拍旅遊節目,咁啱撞到,呢啲真係緣份。我爸爸媽媽就話要盡地主之誼,請佢哋成班crew同華哥去我屋企食飯,跟住就TVB啲人起哄,鼓勵佢追我咁,嗰次之後,華哥就大膽啲,敢約我喇。」

琦琦在維也納小康之家長大、十幾歲就行巴黎騷,任達華則是土生土長的香港男仔,「我識佢時,佢啱啱出嚟拍電影。喺香港,都係佢帶我去睇戲、去山頂睇夜景,去海邊。佢都幾浪漫,去吓元朗南生圍、離島,睇好多大自然。我在外國長大,鍾意大自然,初初唔係咁鍾意香港,後來就鍾意,佢係中西文化融合,又有一個鍾意嘅人喺香港,嗰時好似94、95年咁上下。」

回到未紅時,拍拖仔都非常慳家兼自然,華哥間中會駕著其日本小房車,載琦琦去淺水灣,坐在沙灘談情吃麥當勞。琦琦笑:「有時都食燭光晚餐,但我同華哥都係隨意啲,我哋兩個遊車河去到淺水灣,喺麥當勞買個魚柳包,就坐喺沙灘傾偈、食嘢,我哋都係夜晚七點幾去到,感覺好得意,幾浪漫。佢係雙魚座,個人好浪漫。」

精選娛聞,喺晒《娛果》

http://fb.com/appledailyent

採訪、撰文:林妙萍

攝影:周樂恒

攝錄:林德雄、葉君海

化妝:淑貞

場地:QQM、六公館(海港城)



身高180cm的琦琦,對華哥的第一印象係高。 原來華哥一直暗中喜歡琦琦,但就是不敢表白,亦不敢追求。(受訪者提供圖片)
兩人相識一年,還停留於朋友階段,直至兩人再次在維也納相聚。(受訪者提供圖片)

鍾意就快D Share啦!