掃呢頁CODE去手機

2018年2月28日 星期三

【23年後重遇】「四虎」劉愷威吳家樂聚頭 古仔:尋找何遠恒 __,劉愷威,古天樂,古仔,何遠恒,吳家樂,

趙薇喺網上貼出與容祖兒及「四虎」嘅合照。講起「無綫五虎」……大家記得黃日華、劉德華、苗僑偉、梁朝偉、湯鎮業,其實喺1995年無綫再力捧過「新五虎將」古 ...




趙薇喺網上貼出與容祖兒及「四虎」嘅合照。

講起「無綫五虎」……大家記得黃日華、劉德華、苗僑偉、梁朝偉、湯鎮業,其實喺1995年無綫再力捧過「新五虎將」古天樂、古巨基、吳家樂、劉愷威同何遠恒,最終得吳家樂仲留喺大台,其他都外闖發展。

事隔23年,噚晚古天樂喺網上貼出同基仔、吳家樂及劉愷威嘅合照,留言:「當年的五虎,今天四虎24年後重遇,絕對是狗年一件開心事。」更打hashtag「尋找何遠恒」,似乎想「新五虎」再聚,話晒古仔現時主力拍戲,而基仔就喺樂壇發展,劉愷威則長時間喺大陸開工,大家都各有各忙。

唔少網民都話「四虎」當中,得古仔未成家立室,好多人都留言問古仔幾時好事近,亦有網民讚「都冇乜點變吖,keep得幾好」、「還有一虎是誰,古仔同阿威,我都好喜歡」。此外,趙薇亦喺網上貼出與容祖兒及「四虎」嘅合照,留言「春風拂面」,唔少網民都感嘆「依萍書桓17年後再同框」,基仔同趙薇於2001年拍《情深深雨濛濛》做情侶,大受觀眾歡迎,轉眼已經係17年前嘅事。

至於,何遠恒早前被爆同李彩華拍拖,何遠恒喺「新五虎」當中,算係最高大,外貌亦ok,不過星途平平,後嚟淡出娛圈,返大陸搞冷氣生意,發展唔錯,李彩華上年更承諾兩年後結婚,即係2019年拉埋天窗。



精選娛聞,喺晒《娛果》

http://fb.com/appledailyent


鍾意就快D Share啦!