網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月12日 星期一

【閃耀人生女人心(2)】懷疑魔童自閉過度活躍 靚靚陪睇心理醫生原來係... __,魔童,袁詠儀,靚靚,王維基,

張慕童(魔童)經學校轉介去睇心理醫生,而袁詠儀(靚靚)亦有同行,老師同聽完醫生嘅分析之後,就叫靚靚都去見一見心理醫生,靚靚憶述:「當我一齊去見心理醫生 ...




張慕童(魔童)經學校轉介去睇心理醫生,而袁詠儀(靚靚)亦有同行,老師同聽完醫生嘅分析之後,就叫靚靚都去見一見心理醫生,靚靚憶述:「當我一齊去見心理醫生嘅時候,我先發現原來有問題嗰個係我呀!我太我自己」

之後心理專家就教靚靚點同魔童相處,靚靚用咗對方個方法之後,兩母子嘅狀況亦得到改善。「我試用醫生講嗰套嚟做,嘩!如魚得水喎!我同我個仔關係好到不得了,我先發現原來我真係有錯,自己要去調較。不過有啲嘢我仍然係堅持,例如禮貌呀、或者食嘢唔好咁大聲呀。我好怕人「習習習」呢啲我會捉得緊啲。仲有唔好抖腳!我見到人抖腳我會頭痛㗎!呢啲我就會好在意,但係我老公就覺得我成日為咗呢啲嘢而令到自己好緊張。其實做父母唔係一定啱晒,你某時候都要聽仔女講佢嘅心裏面係點樣!」靚靚說。

因為靚靚係嚴母,個仔好清楚爸爸易話為啲,所以有咩要求,魔童都係向Chilam埋手,靚靚笑笑口話:「總之佢考試合格嘅就攞俾我,唔合格嘅就攞俾佢老竇。佢都係鍾意同老竇玩多啲,佢會好驚我,但係佢又覺得我好安全!例如佢瞓覺一定要搵我嘅,就算佢攬住老豆瞓瞓下,佢都走返自己張床,但係如果佢同我瞓呢,佢就會瞓足成晚。我成日問佢點解,佢話我好攬啲喎!唔知係咪因為我成日同佢講『唔駛驚!有咩事媽咪一定會第一時間衝出去!』唔知係咪因為我成日講呢句嘢呢!佢真係覺得我好勁,所以佢覺得我好安全!」

其實靚靚佢哋一家三口相處就好似朋友咁,有時會開三人會議,每人有一票投票權,但兩仔爺咁好感情,會唔會經常聯成一線否決靚靚動議呢?靚靚話:「咁又未必,其實我個仔都唔係一個完全唔講道理嘅人,你要解得好清楚比佢聽係點樣。」問到佢同囝囝最近係咪為咗踢唔踢波同玩滑板嘅問題而有爭拗?靚靚就話:「踢唔踢波我就唔覺得係乜,係玩滑板戴唔戴安全用品呢樣野傾過囉!佢就會搵佢老豆諗住用2比1。」

話晒袁詠儀同張智霖生都係明星,魔童會唔會因為有一對明星父母覺得好自豪同有虛榮感?靚靚話:「咁佢又冇架喎!因為我見過有啲呢!我Daddy係邊個呀!我媽咪係邊個,咁我個仔又冇架喎!例如啲同學仔話我見到你爹哋個廣告呀!咁佢回人一句OK!嗰啲咁樣!我見到你媽咪呀!佢OK!佢淨係有陣時係嗰啲,媽咪你唔夠爹哋紅,我話係呀係呀呢個係真理嚟㗎!佢話你唔夠佢Famous呀!我話係呀!」個仔擺明激佢,靚靚都嬲個仔唔落:「咁佢亦都好真咁樣講呢啲說話出嚟㗎嘛!前嗰排有人同佢講,你點可以咁樣話媽咪架!你媽咪以前係好紅架!佢係嗰啲,係咩!幾時呀!對佢嚟講亦都唔係啲乜嘢大件事嚟架!」

靚靚係因為要照顧個仔,所以刻意減少工作量,反而Chilam有老婆睇住屋企,可以無後顧之憂,可以全力衝刺事業,近年睇到事業發展係越嚟越好,靚靚當然係好開心,唔會介意,只係囝囝魔童唔明白媽咪苦心,不過靚靚話自己都會有虛榮感:「我繼續將個金像獎放喺屋企咁樣,我就會話畀佢聽,嗰三個係我攞嘅獎嚟㗎!即係我幾叻呀!我係香港小姐!但係我講完呢啲野!佢冇乜感覺架!我係佢面前講我幾叻呢!佢feel唔到㗎!佢反而會覺得嗰個人踩滑板仲勁喇!」

問佢個仔有冇試過做咗啲嘢令佢好嬲?靚靚話自己唔會嬲得佢落:「因為佢轉頭就會氹番你,佢攬住我就已經氹左我㗎佢成日視我而不見,眼中只有佢老竇嘅時,已經激到我扎扎跳,佢最鍾意講咩呢!例如佢同佢老竇講緊嘢,咁佢老竇同我講嘢嘅時候呢!佢就話媽咪我同爹哋講緊嘢㗎!即係佢突然會覺得呢,你唔好講野,等我講咗先,咁我就會嬲㗎係咪好無聊呀!轉頭佢話媽咪到你咁我就冇嘢㗎啦喎!」

佢哋一家3口相處咪好似朋友咁!有時會開3人會議,每人有一票投票權,咁兩仔爺咁好感情,會唔會經常聯成一線否決靚靚動議呢?靚靚話:「咁又未必架,其實我個仔都唔係一個完全唔講道理嘅人,你要解釋得好清楚比佢聽係點樣,最近為咗佢踢唔踢波同玩滑板嘅問題有爭拗?踢唔踢波我就唔覺得係乜..係玩滑板戴唔戴安全用品呢樣野傾過囉!佢就會搵佢老竇諗住用2比1架」

講到對個仔將來有咩期望,靚靚話希望佢將來做個對生命有貢獻嘅人就已經得:「我想佢做一個有用嘅人,唔係一定要對世界有任何貢獻,我覺得最梗要對佢自己生命有貢獻,我睇到依家有太多後生仔,宅男啦,或者冇目標啦,唔知自己想要乜喇,渾渾噩噩嘥咗啲時間。

父母去擔心自己仔女有冇一間屋住係好正常嘅一樣野,即係我哋自己以前父母可能冇呢個能力啫!你依家自己有呢個能力,梗係希望幫到佢做呢樣嘢,但係你亦都唔可以賴哂落個父母度,你幫我安排哂任何野,你父母畀咗個咁好嘅教育環境你,你自己應該要去享受你個教育環境,盡量攞多啲嘢畀自己。我希望我個仔係咁,所以我成日同我個仔講,我話阿仔你番到學校呢,你要學多啲嘢呀!你要學一啲媽咪都唔知係點嘅野番嚟話我知你點樣!因為你而家學咗聽咗好似冇用,但係其實對你第日可能好有用,無人知㗎。但你不能就話唔知呀,我今日唔知重點啊!我唔想佢係咁,佢幾識得喺呢間學校度搵佢嘅樂趣,佢幾識得喺咁樣嘅環境之下令自己生活得幾開心。」

靚靚最開心係個仔放學返屋企後,係咁講唔停口:「佢多嘢講到嗰碗飯成粒鐘都未郁過嘅,特別見到佢爹哋呢,停唔到添,我話其實你可以講架,你可以邊講邊食,但係唔知點解佢講講下就企咗係度㗎但係我覺得係開心嘅呢個畫面,因為我希望佢以後都係咁,當佢遇到任何困難,佢嘅事佢都會好open咁同我哋講,好過佢以後有啲咩收喺心入邊,再同我講『我同你講你都唔明㗎喇!』我唔想係咁,我寧願佢係遇到啲乜嘢都會話俾我哋聽,咁可能,我覺得可能對佢仲有用。」



記者:陳月媚、倩宜

攝錄:馮峰、卓振輝、吉吉

攝影:林德雄

化妝:Kerry wong

髮型:Sam Pan @Muse Hair

場地提供:好酒好蔡

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent



靚靚知道自己操控過度後,便開始注正視問題。 她表示起用醫生的建議後,跟囝囝關係就像如魚得水般。
雖然魔童曾表示想換咗靚靚呢個媽媽,但係每晚到瞓教時,魔童都係要攬住靚靚瞓。 喺魔童眼中,靚靚就好似超人咁,可以保護到自己。

鍾意就快D Share啦!