2018年2月1日 星期四

【狗仔出更】兩個鐘頭賣30盒咖啡 陳豪Chok住做生招牌 __,陳豪,

近日有傳陳豪將會離開大台,同曾經合作17年嘅前經理人嘉莉再度合作,今年3月仲會接拍大陸劇o添(相關新聞:http://bit.ly/2num3ki)! ...




近日有傳陳豪將會離開大台,同曾經合作17年嘅前經理人嘉莉再度合作,今年3月仲會接拍大陸劇o添(相關新聞: http://bit.ly/2num3ki )!除咗幕前工作之外,多年來陳豪醉心研究咖啡,曾經同朋友夾份喺馬來西亞開咖啡店,但唔夠一年就執笠,損手離場。不過,陳豪唔死心,前年喺荃灣開設一間咖啡烘焙工場,但一直未有實體店。

最近陳豪終於小試牛刀,趁新年前商場有短期檔位,喺尖沙咀港威商場開咗一間面積僅百餘尺嘅小店賣咖啡。前日(26日)傍晚六時許,陳豪頭頂紮住條辮,一臉鬚根Man爆現身自己嘅小店,起初都冇乜人留意,陳豪好細心咁整理店內每一樣擺設,企晒四個角落擺到四四正正先收貨,非常緊張。

陳豪搞咗大約15分鐘,終於有人認得嗰位係「陳豪」,先係有班操國語嘅大陸遊客埋去影相,陳豪來者不拒,好順得人。之後寫字樓職員陸續放工,聚集嘅人越來越多,陳豪就開始「兜生意」,一邊影相,一邊沖咖啡免費派畀人飲。唔少人即場試完都話好飲,粗略估計,陳豪企落鋪頭做生招牌約兩小時,已經賣超過30盒咖啡,平均4分鐘都賣到一盒,難怪陳豪keep住笑到四萬咁口,仲拎住杯咖啡chok晒畀大家影相。

期間有位爸爸抱埋BB問可唔可以影相,本身有三個小朋友嘅陳豪即慈父上身,一手抱起BB,手勢順熟,仲不停扮鬼臉氹BB笑,好有愛呀!



最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

呢個招牌Chok樣,買陳豪自家製咖啡就見得到。(攝影﹕畢紹基) 個場原本係冇乜人嘅....... 陳豪現身呀!
好細心咁研究每盒咖啡嘅擺位。 聚集人流越來越多,高峰期有三、四十人。 人人都舉機影相,好墟冚。
Chok住擺甫士畀客人任影唔嬲。 陳豪即場沖咖啡畀人飲。 陳豪抱住人哋個BB都咁開心,慈父上身。
陳豪一直有太太陳茵媺支持,做乜都事半功倍啦。(微博圖片) 三個小朋友(微博圖片)

鍾意就快D Share啦!
Related Posts Plugin for WordPress, Blogger...