網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月16日 星期五

城城話結婚利是全港派 700萬人集氣叫找數 __,城城,郭富城,

找數找數!每逢新年除咗可以同屋企人一齊團拜外,唔少單身人士仲好期待一個環節就係逗利是!不過全香港嘅市民要留意喇,大家仲有一封利是可以逗,就算結咗婚嘅人 ...


找數找數!


每逢新年除咗可以同屋企人一齊團拜外,唔少單身人士仲好期待一個環節就係逗利是!不過全香港嘅市民要留意喇,大家仲有一封利是可以逗,就算結咗婚嘅人士都唔緊要,一樣可以逗,嘩!全港市民都有,究竟係邊個派咁勁呢?嗰個咪就係天王郭富城(城城)囉!

無綫「See See TVB」Facebook專頁上載咗一段喺1994年,即係24年前,城城當時接受《娛樂新聞眼》主持祝文君嘅訪問,問到佢會唔會派利是?當年得28歲嘅佢就話:「我未結婚嘛!」文君話:「呢一行唔使結婚先派嘛!」城城再秒回:「傳統思想就係話,結咗婚先派利是,咁我希望有一日我結咗婚嘅時候先派。」佢仲要強調個個都有:「我講過嘅,全港市民都會收到我嘅利是!」放心!大家冇聽錯,城城真係話全港市民都有,會收到佢嘅利是。

其實城城曾講過有高人話佢冇夫妻宮,仲話人哋拍拖會諗結婚生仔,但佢絕對冇呢個諗法,又強調結婚嘅想法喺佢腦度閃一閃都冇,亦都唔恨生仔。但係凡事冇絕對,人愈大想法都會唔同,加上城城都話佢媽咪一直都好想見到佢成家立室,所以令佢就有想結婚念頭。重點仲要係緣分嚟到真係擋都擋唔住,城城2015年同內地女模方媛相戀,愛得甜蜜,兩個仲喺上年4月拉埋天窗,有情人終成眷屬,正式「封盤」!同年9月,方媛亦為佢生咗囡囡Chant,令城城變成人夫兼人父,所以話天賜良緣,就係咁喇!全港網民睇完呢段片後,都話見到佢依家幸福美滿都好戥佢開心,但重點係記得要「找數」,又高呼「一人一Like ,集氣叫城城找數」,仲搞笑話城城要封畀全港7百多萬人嘅利是,使唔使發起一個「一人一利是封計劃」,城城就唔使驚唔夠封所以話大家都好貼心嘅,仲叫城城「找數」完唔使驚,帶囡囡出嚟咪又可以逗番啲利是囉!城城,我哋等你!

網民有話兒:

TYIXX VIXX:留名逗利是呀!

GIXX KEX:城城找數啦!

WLSINXX LIXX:多謝城城,不過等你派咗先多謝。

JJXX BXX:!城城!我哋等你!


來源 source: http://hk.on.cc
鍾意就快D Share啦!


Related Posts Plugin for WordPress, Blogger...