2018年2月20日 星期二

【閃耀人生女人心(9)】爸爸嗜賭曾寄人籬下 袁詠儀感謝母親管教嚴 __,袁詠儀,

點解選港姐?袁詠儀一句話令你收聲:「個個都話我靚,咁咩叫幾靚先得㗎你明唔明呀?」袁詠儀從小就是家中小霸王,上有一個哥哥,對落仲有個妹。據家人憶述,袁小 ...




點解選港姐?袁詠儀一句話令你收聲:「個個都話我靚,咁咩叫幾靚先得㗎你明唔明呀?」

袁詠儀從小就是家中小霸王,上有一個哥哥,對落仲有個妹。據家人憶述,袁小朋友出細時成個公仔咁——隻眼好大,頭髮又好鬈,成個公仔咁:「由細到大就備受溺愛,喺屋企就好霸道囉,阿哥要讓我,個妹要就我。」

但你一出咗門口,大家都係寶嚟㗎喇,小小年紀的袁詠儀,已經收放自如,「唔會話有幾霸王。」

雖然話係霸道,但袁詠儀都有個顧忌,就係佢阿媽。「我公公係賣豬肉㗎,我媽咪冇讀過書,好細個就已經幫我公公手賣豬肉㗎。佢冇受過教育,但係佢好知道規矩,好識得教我呢樣嘢。」

管教極嚴,嚴到一個點係,袁詠儀細個會以為自己唔係阿媽親生。「我媽成日鬧我,成日鬧我,有乜嘢,鬧完個阿哥就一定係鬧我,我成日嗰時懷疑佢唔鍾意我,佢可能唔係我親生,邊有人咁憎我咁鬧我嘅啫?」最令佢疑惑係,哥哥同妹妹個樣都好似樣,鬼鬼地,「我就係另一個樣。」後來袁詠儀越大越似爸爸,她終於放心了。

阿媽有幾嚴,袁詠儀就有幾反叛,經典作係玩爽身粉。小時兩兄妹喺屋企玩士兵,鋪到一床一地都係綠色,再將啲爽身粉撤到一屋都係,做咩?「雪地呀!」阿媽返到嚟,打,就一定㗎喇,仲好有創意:「我阿媽好勁,佢將爽身粉『審』返晒喺我哋身上,然後先打你!」一世難忘?當然。以後唔再犯?「點會呀?梗係繼續曳㗎喇!你冇可能唔玩㗎!」

有一段時間,袁詠儀母親覺得唔係辦法,甚至覺得係一種壓力,於是——出去打工,將袁詠儀幾兄妹放喺親戚屋企,袁媽媽就去茶樓做捧菜。當時仲係讀緊小學嘅袁詠儀感覺那段寄人籬下生活好慘,「想睇電視又冇得睇。」

「媽咪係嗰啲每日放工就接返我哋,但係對方呢就係嗰啲,喂你斬隻雞上嚟啦,斬啲料上嚟啦。如果我阿媽斬得隻雞、斬得料上嚟,都唔使出去做嘢我覺得對方無體諒過我媽咪。最後我阿媽唔做,第一因為每日都仲要斬料上去,咁不如唔做啦。」最令袁媽媽掛心還是三個子女,一聽到火燭車聲,佢就好擔心班細路。結果,袁媽媽唔再出去打工,改為幫人湊細路:「我諗十五六歲啦,我媽咪已經幫人湊大咗十個細路仔。」

但袁爸爸嗜賭嘅問題,一直冇解決。袁詠儀淡然謂:「到o依家我都係鬧佢㗎,但嗰陣時我冇勸。我只係同佢講咗,其實你可以繼續賭㗎,不過呢,有一日我就會約晒你啲朋友出嚟食飯,然後我就會同佢哋講,你哋繼續同佢賭啦,但係我唔會負責任何一分錢。」當時袁詠儀啱啱選完港姐。口裡說不,但袁詠儀當然唔忍心,還是會代父還債。不過嗰次講完之後,袁爸爸確是有改變。「佢真係徹底地改變咗,第一可能佢真係驚我唔還啦,第二佢就係好少見我咁認真同佢講嘢。」

其實袁爸爸還練就了袁詠儀的性格,就係——躁底。呢一點,袁詠儀都認。「我爹哋係嗰啲呢,返十一點,佢十點半已經坐咗喺度嗰啲人嚟嘅。我唔多唔少俾佢訓練到我咁。我好準時我好急,我好要做到嗰樣嘢,我就要快啲去做,稍為慢一啲呀,配合唔到我個speed,我就會忟。」

記者:陳月媚、倩宜

攝錄:馮峰、卓振輝、吉吉

攝影:林德雄

化妝:Kerry wong

髮型:Sam Pan @Muse Hair

場地提供:好酒好蔡

【閃耀人生女人心(8)】警察宿舍出世成長 袁詠儀夾埋阿哥打鄰居女孩

http://bit.ly/2o7QDky

【閃耀人生女人心(7)】唔識語言藝術得罪人 靚靚被雪成就影后路

http://bit.ly/2F5KCw7

【閃耀人生女人心(6)】經歷選港姐勾心鬥角 靚靚一心攞亞軍:我係張曼玉

http://bit.ly/2EEyLaP

【閃耀人生女人心(5)】老婆坐月Chilam照蒲 靚靚產後抑鬱險離婚

http://bit.ly/2HdEqmD

【閃耀人生女人心(4)】坦認女追男 靚靚呻俾老公食住:張智霖係唔會錯㗎!

http://bit.ly/2H9XvWy

【閃耀人生女人心(3)】狂造人望追多個女 靚靚人工受孕:我卵子已老

http://bit.ly/2CfW45g

【閃耀人生女人心(2)】懷疑魔童自閉過度活躍 靚靚陪睇心理醫生原來係...

http://bit.ly/2EinZDx

【閃耀人生女人心(1)】靚靚管教太嚴愛操控 魔童:我想換個新媽咪

http://bit.ly/2EkPJY1

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent



袁詠儀在訪問中大談父母對自己的影響。 靚靚父母甚少曝光,該照片為二人的近照。
靚靚(中間)兒時因長得個洋娃娃,故甚得爸爸寵愛。 袁詠儀指幸好媽媽管教有方,才令她沒有成為未婚媽媽。

鍾意就快D Share啦!
Related Posts Plugin for WordPress, Blogger...