2018年2月22日 星期四

獲羅家英封太后 汪明荃答應下世再續情緣 __,汪明荃,羅家英,

羅家英的一封情書令汪明荃答應下世再續情緣!香港八和會館在尖沙咀舉行新春團拜,八和主席汪明荃、副主席阮兆輝、羅家英等現身聚會。汪明荃與羅家英早前在內地節 ...


羅家英的一封情書令汪明荃答應下世再續情緣!


香港八和會館在尖沙咀舉行新春團拜,八和主席汪明荃、副主席阮兆輝、羅家英等現身聚會。汪明荃與羅家英早前在內地節目《經典詠流傳》分享愛情故事,羅家英就親手寫情信細說往事,當中包括一吻定情和一齊抗癌等經歷,還情深地向太太相約下一輩子在一起。

講到羅家英的情信,汪明荃甜笑說:「節目上年錄影,好意外,封信寫得好好、好浪漫,佢未寫過情信,呢封係第一封。節目喺內地反應都好大、好感動、好正面嘅分享。」但她表示不會回情信給老公。至於羅家英約定她下世再一起,汪明荃則冧爆說:「睇吓佢表現點先啦,OK」

羅家英笑謂寫信好麻煩,因為說話可以當耳邊風,但寫了信就會記住,還隨時可以拿出來。汪明荃表示未有被情信感動到喊,羅家英則指情信花了十分鐘寫:「個節目好鍾意令到人喊,我就係咁意讀出嚟,唔使咁淒慘嘅。(會唔會再寫?)唔會,一生一封就夠。」自封情聖的羅家英笑言平時也浪漫,更自爆平日會尊稱汪明荃做「太后」:「佢夠惡、夠權威、佢成日蝦我、鬧我㗎,我要同佢請安。」

與西九達成合作協議

另外,西九龍文化區戲曲中心開幕演出,八和會館一度被「飛起」改由任白慈善基金負責,令汪明荃感到不受尊重。爭議經協調後最終開台日及開台周演出由八和會館負責,汪明荃說:「依家有個好嘅進展,經過幾次磋商達成合作協議,遲啲會簽正式合作協議。(有冇搵人幫手調停?)冇!都係同管理層去傾。(要求對方解釋?)件事係好複雜,因為西九轉過幾次人,新嘅領導未必了解全部,依傢大家就講清講楚。(滿意個結果?)好啲啦,大家衷心合作。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...