掃呢頁CODE去手機

2018年2月18日 星期日

傅嘉莉氹粉絲「糕」興 __,傅嘉莉,

傅嘉莉希望繼續劇接劇及在頒獎禮有份提名。
傅嘉莉氹粉絲「糕」興藝人傅嘉莉(Kelly)日前趁農曆新年,品嘗意頭十足的賀年菜,包括「發財好巿」、「福如東海」,希望由年頭旺到年尾:「『發財好巿』即 ...


傅嘉莉氹粉絲「糕」興

藝人傅嘉莉(Kelly)日前趁農曆新年,品嘗意頭十足的賀年菜,包括「發財好巿」、「福如東海」,希望由年頭旺到年尾:「『發財好巿』即係髮菜同蠔豉,『福如東海』就有海參同冬筍,仲有一個腐竹做前菜,食咗就會富足,全部都好有意思。」談到新年,Kelly表示會同劇組一齊過,正忙於拍電視劇《包青天再起風雲》,仍未婚的她會大派利是:「我預備五位數字派利是,着住古裝派利是,好應節,希望大家工作順利、開開心心。」

狗年桃花旺盛

自言近年開始對烹飪感興趣的Kelly,稱母親是烹飪高手:「上年團年飯,我都整咗一道菜,之前跟咗師傅學整餸,今年可以整多幾道菜,因為爸爸一直都好想我秉承媽咪入得廚房嘅美德。」Kelly亦十分愛錫粉絲,親手為粉絲製作賀年糕點:「我有時上啲飲食節目,好多粉絲留言話想食到我親手整嘅糕點,我可以請教媽咪點整,再派畀粉絲食,應該係好好嘅禮物。」問到感情生活,Kelly坦承身邊一直不乏追求者,加上有堪輿學家指她狗年桃花旺盛:「不過我想將桃花放喺事業上,有多啲觀眾緣。」

場地:東來順@帝苑酒店

傅嘉莉品嘗賀年餸菜時,童心大發餵埋狗公仔食。
  • 傅嘉莉品嘗賀年餸菜時,童心大發餵埋狗公仔食。
  • 放大圖片



鍾意就快D Share啦!