掃呢頁CODE去手機

2018年2月14日 星期三

【好古蠱】龐卓欣情人節玩測謊險分手 __,龐卓欣,

呢啲嘢冇信心唔好亂玩!前港姐龐卓欣(Ada)與「鐘錶大王」孫秉樞孫仔孫智威(Solomon)拍拖四年多,兩人依然甜蜜蜜,感情有增無減,日前兩人到主題公 ...


呢啲嘢冇信心唔好亂玩!


前港姐龐卓欣(Ada)與「鐘錶大王」孫秉樞孫仔孫智威(Solomon)拍拖四年多,兩人依然甜蜜蜜,感情有增無減,日前兩人到主題公園,仲童心未泯一齊玩掟波波,Solomon為女友贏得大公仔,Ada即時送上愛的抱抱及錫錫,閃爆途人。

情人節「驚」喜禮物

提到情人節,Ada表示因為男友要返工,當日只會簡單食飯慶祝,Solomon說﹕「通常唔去太多人嘅地方,二人世界。(有冇準備禮物﹖)有驚喜。」他猶記得有年情人節,Ada送他測謊機,令他一額汗﹕「第一句就問你愛唔愛我,綠色燈代表講真話,紅色燈代表講大話,好在着咗綠燈,所以無事,否則就分咗手。」

愈來愈愛

問到男友是否浪漫之人﹖Solomon笑言經常被女友批評好識得去破壞浪漫,Ada無奈說﹕「佢係一個好搞笑嘅人,佢唔識浪漫,我記得剛開始拍拖時,叫佢對我sweet啲,佢就用把好嗲嘅聲叫我BB,我即刻頂唔順,叫佢做番平時嘅自己。」雖然Solomon不懂浪漫,但絕對是個百分百好男友,Ada稱相處愈久愈發覺對方的好﹕「以前嘅男友一開始對我好好,但愈來愈hea,但佢就好唔同,因為我係佢第一個女朋友,以前佢唔係好識做,例如佢唔會幫我開門,佢好鍾意食嘢,會搶住嚟食,但依家對我愈來愈關心,大家比以前更sweet。」

互相為對方改變

Solomon大讚女友值101分,不過,原來拍拖初期也曾想過分手﹕「其實一開始無話認定咗佢,亦冇諗過拍咁耐,因為我哋第一年係遠距離戀愛,佢喺美國讀書,我喺香港,中間一定有爭拗,有時都想過分手,但靠時間慢慢去建立關係,大家互相為對方着想,感情愈來愈好。」Ada謂見到大家慢慢為對方而改變,她說﹕「我以前一鬧交就會講分手,佢好唔鍾意,我依家都改咗,唔會鬧交就講分手。」

結婚有共識

至於結婚,兩人早有共識,Ada稱大家的事業剛起步,故以事業為重﹕「而且我哋兩個嘅感情都好穩定,我哋經濟方面係做到獨立,但未可以養到頭家。」雖然如此,但他們已有結婚時間表﹕「我有冇小朋友都無所謂,但佢想要,我同佢講我31歲我就唔生,我叫佢自己計掂條數。」

場地﹕海洋公園


來源 source: http://hk.on.cc
鍾意就快D Share啦!