熱爆娛樂: 【同鐘錶大王粒孫頭貼頭】龐卓欣晒四吋事業線襯晒色準備報喜？ _

2018年2月16日星期五

【同鐘錶大王粒孫頭貼頭】龐卓欣晒四吋事業線襯晒色準備報喜？ __,龐卓欣,

啱啱過完情人節，今日就到大年初一，15年港姐亞軍嘅龐卓欣就延續呢份氣氛，喺ig放閃，呢位港姐爸爸係基金公司老闆龐寶林，龐父同梁振英係世交，有身份有地位，完咗港姐任期之後，冇同大台簽長約就離開。而佢男友就係「鐘錶大王」孫秉樞孫仔孫智威，已經拍拖4年多。

之前龐卓欣喺報道訪問中話男友會破壞浪漫，但睇嚟情人節當晚好浪漫。龐卓欣喺晚上貼咗張相上ig，成間房用粉紫色汽球佈置到好有童話風格，龐卓欣拎住個汽球，向前挨住呢排好紅嘅情人節玫瑰花小熊，襯番佢件深紫色超低胸晚裝，話噚日情人節過得與眾不同。至於另一張相，就係男友攬住佢，輕輕頭貼頭咁喺汽球中合照，留言話要多謝男友俾咗一個童話世界佢，佢寫道：＂You make my life a fairytale.Thank you for everything baby, I love you!＂

呢輯相有晒攝影師、髮型師等等嘅鳴謝，雖然龐卓欣雙手冇戒指，但氣氛咁好，會唔會順勢求婚？《蘋果》噚日搵到佢，龐卓欣笑回：「唔係訂婚呀！只不過係情人節咋，哈哈！」

最港電影大獎投票網址

http://bit.ly/thekongestfilmawards

精選娛聞，喺晒《娛果》

http://fb.com/appledailyent

photo by @turbotabo	係咪好浪漫呢？如果係咁嘅環境求婚，一定應承呀！(photo by @turbotabo )	龐卓欣件衫好性感，佢話係同男友慶祝情人節。(photo by @turbotabo )
龐卓欣同男友唔介意放閃，早排男友就貼咗Kiss相。（ig圖片）	龐卓欣平時都好性感，同男友去旅行都慣咗咁大方。（ig圖片）	（ig圖片）
拍拖4年幾，如果求婚成功真係恭喜佢。（資料圖片）